Albret Asserus om masnu kroonu mõtsan üle zihi ragumise eest trahwi 27 Rb. 28 cp.

Albret Asserus andse nüüd tunnistajid üles, kes omma man olnuwa, kui mõtsawaht Jaan Juust om toda piiri esi näidanu. -

Nimelt Jaan Asor Karl Leiter, Toomas Alter, Hans Lääts, Gotlib Lääts, Andrus Kangur, Aadu Kangur. -

Karl Leiter tunnist: Nema omma mõtsa puid raguma lännu, sis om Asserus neile näidanu, kost raguda. - Tõisel päiwal om mõtsawaht Jaan Juust tulnu, ja mõõtnu tõise piiri ja lõiganu lepa pääle tähe ja säält omma sis poisi ragunuwad.

Mõtsawaht Jaan Juust andis üles, - tema ei ole mõtsa saanu, ragumise aigu, ta om haige olnu. - Hagu kokku pandmise aigu om tema mõtsa lännu, ja om sis löidnu, et Asseruse poisid omma üle ragunud. - ta om sis sülepuuga mõõtnud, kui paljo om üle ragutud. -

Hans Lääts tunnist: Nema omma Puid ragonuwad, Asserus om piiri näidanu, puu ragumise aigo om mõtsawaht Jaan Juust mõtsa tulnu, ütelnu, om üle raotu, mõõtnu süle puuga, - ja lõiganu wäitsega täkke lepa pääle, näidanu piiri, ja säält olla sis nemad ragunuwad. Tõise tunnistajad ei ole tulnuwad.

otsus:

Kiik tunnistajad 28 Mais Kohtu manu tallitada, et mõtsan näidatu piirid üle kaeda. -