Nachträglich eingetragen:

Ilmjerwe kog: kohus 31 Mail 1882.

Albret Asserus palles kog. kohut, seda mõtsa raendiku piiri kost tema talwel kroonu mõtsast puid olli ostnu ja ragun - üle kaeda, et tema mitte tolle raendiku piiri man süüdi ei ole, kelle eest tema trahwi om masnu. - waid et mõtsawaht Jaan Juust om esi temale to piiri näidanu, kost tema om sis käsknu ommil poisel raguda. - Päälegi om tema kiige peran mõtsa raguma lännu, kos jo tõised een omma ragunuwad. -  Ka andis Albret Asserus tunnistajid üles, kes man omma olnuwa, kui mõtsawaht Jaan Juust om tood raendiku piiri Albret Asserusele näidanu,

Tunnistajd omma: Jaan Asor, Hants Lääts, Andres Kangru, Karl Leiter Aado Kangru, ja Gottlib Lääts. -

Jaan Asor  tunnist, tema om man olnu, kui mõtsawaht Jaan Juust om toda raendiku zihki Albret Asserusele näidanu kost Albret Asserus omil poisel om lasknu raguda, mida mõtsa herra nüüd ütles üle raotu ollew. -

Et see tema tunnistus tõisi olla, woida ta selle pääle wanduda.

Hans Lääts, Andres Kangru, Karl Leiter Aadu Kangru ja Gotlib Lääts tunnistiwa: Albret Asserus om neile piiri näidanu, nema omma nakanu raguma, sis om weel töisel päiwal mõtsawaht Jaan Juust mõtsa neide manu tulnu, ja ütelnu, et sääl ei ole piir. Tennu sis süle puu, ja mõõtnu Albret Asseruse näidatu piirist 3 sülda 2 jalga mäele poole, ja om sis lepa pääle märgi lõiganu, ja ütelnu: "siin om piir" ragoge pääle edesi, kost om näidatu, ja nema omma sis ka mõtsa wahi käsu pääle edesi ragunuwa, muud nema ei tija. -

Selle pääle minti mõtsa piiri üle kaema ja löiti järgmitsel wiisil: Tunnistaja Jaan Asor näitas, kost kohalt mõtsa waht Albret Asserusele raendiku piiri näidanu, Albret Asserus näitas, et tema om omil poisel säält käsknu raguda, kost mõtsawaht temale olli näidanu. - Poisi: Hans Lääts, Andrus Kangru, Karl Leiter, Aado Kangru, ja Gottlib Lääts tõendiwa seda, ja näitasiwa to lepa kohe pääle mõtsawaht Jaan Juust tõisel päiwal olli märgi lõiganu, ja käsknu edasi raguda.

Kohtumehed mõõtsiwa Albret Asseruse ja Jaan Asori näidatu piirist märgiga lepani, - olli 3 sülda ja 2 jalga wahet, - aga ka sääl es ole mõtsa herrast pantu piiri tulp, - se olli weel mäe pool.

Nüüd mõõdeti märgiga lepa mant weel mäele poole tulbani, ja löiti seda wahet 6 sülda 3 jalga. -

Kogokonna kohus nägi nüüd selgede, et Mõtsawaht Jaan Juust esiki seda piiri ei ole teednu, ja ka es tija, - ja et Albret Asserus koguni ilma süüta om, ja ilma asjanda om trahwi ala pantu, ja om tema ka kiige peran mõtsa lännu, kos jo tõised kiik een olliwa. - Ta om süüta, ja nõwwab omma raha mõtsa herra käest tagasi.

otsus:

Nii kui löitu, protokolli kirjotada, ja Albret Asserusele se protokoll palwe pääle wälja anda. -