Jaan Luig kaibas, tema om oma wask päsula lainanu Oru kõrdsimehe Peeter Wääri kätte, - ollu nimi sisse graweritu. Säält olla pässul ära warastedu. Nüüd om ta päsula Ann Zireli käest kätte saanu, ja nimi on mant ära lotu wai  pööretu. -

Peeter Wäär ütles, pässül om tema Sahwrist minewa Maÿ kuul ära warastedu, - aga ei tija kes om warastanu. -

Ainn Zirrl ütles: Lauritz päiwa aigu om tema Restu karja silla pääl to päsula ostnu kate sae lõikaja meeste käest, kea päält näta omma olluwa Saarekeste moodu. - Tunnistajad ei ole manu ollu, kui ta oles to päsula ostun. -

Jaan Luig nõwwab oma päsula rikmise eest 5 Rb. -

Nüüd tunnist Ainn Zirrel, et tema to päsula om saanu Karl Udrasse käest kes tema man om töön ollu, - kate Rubla eest, ja ütles, et Udras olla to nime ära wiilnu, ja tema - Ainn Zirrel - olla siis peenikese wiiliga ära wiilnu. Et Karl Udras täämba siin ei ole, tehti otsus: 26 Januaris tallitada: Karl Udras. -