Küsimise pääle - seletas Hindrik Laawing, - ta olla kotust ärasõitnu, kui päiw om ülewan olnu, - om sis tahtnu Anne mõisa Wõrole sõita, - sõitnu Matsi nurme pääl, - om saanu Hans Läätsaga kokku, - ja olla sis tagasi käändnu. - Saanu sis Matsi sulendu pääl jälle Hans Läätsaga kokku._ Säält sõitnu edasi. -

Hindrik Laawing andis Protokolli: ta om sõitnu Wiselast ja Koigu kõrdsi mant mööda, - om siis edesi sõitnu Urwaste kohtu maja manu wälja etc: Perast ütles ta olla Urwaste mõisade wälja sõitnu. Wiimate ütles, - ta ei teedwad esiki, - kost ta sõitnu om, - Kõigest sellest om awalik, et Hindrik Laawing wõlsip. - Nimelt et säält üttegi teed ei läha, kost Hindrik Laawing sõitnu om. -

Hindrik Laawing ütles: tema ei ole Karl Udrast, ei ka Michel Triksi Wõrol nännu, ei ka kosgil tee pääl. - Ta olla ütsinda sõitnu, - ja ei ole kedagi üten ollu. -

Michel Maala tunnist: ta ei olla nännu Hindrik Laawinge laadale minekid, - waid ennegi, kui Hindrik Laawing om kodu tulnu, sis omma tema taossed Hindrik Laawinge käest kätte saadu, - mis temal kotust ollid ära kadunu. -

Karl Maala tunnist: Hindrik Laawing olla kotust ära sõitnu, kui päiw om ülewän ollu, aga om sis nurmi pääl aiga wiitnu, kuni õdagu pimeni, ja siis weel ära sõitnu. - Pääle Hindrik Laawinge ära sõitmist olla taossed ära kadunud, ja olla ka Hindrik Laawinge naine awitanu taossid otsi. -

Aga kui Hindrik Laawing olla kodu tulnu, olla taosse aganiku läwe pääle tekkunus, - aga jälle haganide sisse ära kükitud kost omma taossed kätte saadu, ja omma ka taosse rahked like olnud. -

Kohtumees Albret Asserus tunnist: Hindrik Laawinge wangerde man om näta olnu, et om 2 hobest wangerde een olnu, - mida aga Hindrik Laawing kiik salgab. -

Hindrik Laawing salgab, - et tal ei olla mitte katte hobest olnu, ei olla ka tema üttegi taossed wõtnu.

Hindrik Laawing ütles: temal om kõhn hobene olnu, - ja ei ole ka rohkemb raha olnu, kui 1 Rb.-

Aga nüüd om hobene wasta - wäärt 20 Rb. - kost om Hindrik Laawing sääratse hobese saanu? -

Jaan Maala tunnist: Pühaba hommugu arwata kella 10 aigu olla Hindrik Laawing kroonu mõtsa lännu, - ja ei ole oma hobese manu jalgagi saanu. - Ka tunnist Jaan Maala, et tõisel hommugul om tema jälist teeta saanu, et Hindrik Laawing om ööse tagasi käinu. -

Märt Kiiwid tunnist: tema om Restu Weskil käinu, - sis om Restu mees temale kõnelnu, et pühapäiwal olla Hindrik Laawing Painal käinud. - Sis olla ka Michel Tuks, ja Hindrik Laawing mõtsan käinu, - ja õdagu olla Michel Tuks kasuka sälga wõtnu, ütelnu, et tema laadale lähawad. - Nüüd olla tagasi tulnu ja olla wäega ära pestu.

Aga Hindrik Laawing salgab, et tema om ennegi kerikun käinu. - Aga Karl Sisask ütles, tema om ka kerikun käinu, aga Hindrik Laawing ei ole mitte kerikun olnu. - Om aga teeda, et ta om Painal käinu. -

otsus:

5 Septembris sija tallitada: Restu Painalt Toomas Känksepp.