Mõisa hobeste waht tunnist: Püõhapa päiwa om tema nännu, kui Hindrik Laawing om mõisa hobeste ümbre kõndnu. -

Protokollin № 99 salgas Hindrik Laawing  - tema ei ole Restu walda Painale - Michel Reksi man käinu. -

Restust Jakob Timmat tunnist Pühaba lõuna aigu Hindrik Laawing Painale Michel Reksi manu lännu, säält lännuwa ruttu wenne keriko poole mõtsa, ja Michel Reksi sõsara mees om ütelnu: "Ei tija mis nõu minti jälle pidama. "

Nõnda omma sis Hindrik Laawing ja Michel Reks terwe lõuna wahe mõtsan olnu, säält wasta õdagut kodu tulnu, lännu Känksepale, toonu säält suure kasuka, ja lännu õdagu mõtsa luha poole . - Olla Toomas Känksepale, et ta laadale minna. -

Restust Toomas Känksep tunnist:

Pühaba õdagu olla Michel Reks kaska sälga wõtun, ja tema küsimise pääle ütelnu: "Mis ma sis nakka külmetama, minul waja minna, minul om hobene walmis;" om sis Wenne keriku poole mõtsa lännu; ja Eespäne päiw ei ole ta Michel Reksi nännu. -

Hindrik Laawing salgas, tema om ennegi paar tunde Painal Michel Reksi pool olnu. - Ta olla tolle perast wõlsnu, et ta to hobesega kohtuga kimpu saab. Tunnist weel, et Michel Reks olla to hobese wiinu. -

Kohtuliku nõudmise pääle nakas Hindrik Laawing nüüd seletama: Tema olla kül Wõrule laadele sõitun, - siis olla Michel Reks kül temale Urwaste kohal tee pääl takast järgi sõitun ratsale, siis olla Michel Reks ütelnu: "See hobene om mull joba kats päiwa walmis kaetu ollu, ja  ma warastasin ta ära." siis omma üten Wõrule sõitnu. - Michel Reksi warastet hobene olla kõrwal olnu, - ja Michel Reks olla temaga kõrwu wankrin istun. - Wõrul olla Michel Reks to hobese 25 Rubla eest ära müünu, ja siis tema mant ära wai  mõisa hobese. - Muidu tunnistas nagu Ilmjerwe kogukonna kohtu protokollin om. - Wõrul om tema hobese ära müünu 33 Rubla eest Roosa walla mehele, - säält olla tema Michel Reksile andnu 15Rb. ja hendale jätnu 18 Rb.

Küsimise pääle - misperast H. Laawing hobese müüs, - kona Michel Reks to hobese warastanu - ütles Hindrik Laawing: "Mine müü sina, - minnu wahest tundas, -" selle pääle om tema sis hobese müünu ja ütelnu ostja küsimise pääle - et tema Sangastest olla. -

Enne olla Michel Reks ütelnu: Mina Ilmjerwe mõisa oja weerest wõti, ta om Ilmjerwe hobene: aga kas kantnikel wai mõisal. 

Hindrik Laawing salgab tolle hobese warguse man olemise hendast kiik ära. -

Selle pääle saije Michel Reks ette kutsutus:

Kostis küsimise pääle:

Tema ei tija tollest hobese wargusest midagi, - ei ole Hindrik Laawingad nännu, ja ei ole ka Wõrrul käinu. Waid et Hindrik Laawing om tema pääle kaibanu - siis nüüd pandwad Hindrik Laawing tema hõnge, ja oles ma teednu, et Hindrik mulle nii tegi - ei oles ma temaga üten sõitnu. - Ja mis Hindrik Laawing om kõnelnu, om õigus. -

Nimelt kohtuliku küsimise ja nõudmise pääle tunnist nüüd Michel Reks ära: Tema olewad kül hobese warastanu, tee pääl Hindrik Laawingule järgi sõitnu, siis warastedu hobese wehmride pandnud, niida Wõrrole sõitnuwa. Wõrol om Hindrik  Laawing to hobese Roosa walla mehele 33 Rubla eest ära müünu, sellest rahast om tema 15 Rubla saanu, ja 18 Rubla om Hindrik Laawing hendale pidanu. -

otsus:

Et Michel Reks om hobese warastanu, - siis saab Michel Reks Keiserliku Tartu Maa Kohtu sisse saata, säädusliku kriminal üle kuulamise ja säädusliku trahwimise ala. -

Pää kohtumees W. Wärnik

kohtumees  A Müllerson

  -  "  -          H Erikson

Kirjotaja asemik P. Asor