Peter Maisen kaibas:"Minna wei ommi erra linnu Tohwre pole Peter Nahhale müwwa, nink kui minna Tohwri poolt taggasi tulli, sis lätsi minna Jundi tallo, nink kui säält taggasi tulli Waltina kõrtsi manno, sis küssis Annemõisa Samul Zimmer minno käest: "Pois kus sinna selle jännesse pannite, mes sinna tee päält ülles wõtsite," ja otsis minno saani läbbi. Sis ütles jälle Samul Zimmer: "Anna pois se jännes kätte, sest Jaan Hansi tunnistas minnole ärra, et sinno teedmisse al se jännes om;" nink trotse minno ja tahtse minno käest sedda rahha 6 Rbl. 82 Kop. henda kätte, ent Jaan Hansi, selle rahha perremees, es lubba mitte sedda rahha Samul Zimmeri kätte anda. Minna nakkasi ärra koddo sõitma, ent Jaan Hansi es tulle mitte ütten enge jäi Waltina taggasi, nink Jaan Möllitz sõitse minnoga, minno ree pääl, Annemõisa pole. Ent tollepool Annemõisat Hango Kõiwe otsa man tulli Annemõisa kõrtsimees Peter Kreewald järgi nink istus minno ree päle ja wõtse hobbese ohja henda kätte nink piddas hobbese kinni. Minna lätsi ree päält ärra nink nakkasi omma koddo pole minnema, sis tulli Samul Zimmer tee päle risti ette nink tõmmas minno omma sani ja lei minnole 2 kõrda kõrwa päle nink nõudse minno käest ütte jännest. Karl Leppik, Jaan Hansi ja Karl Sibbul näggiwa selgeste, kui Samul Zimmer minnol suust werre wälja lei, ja ne 3 meest kuuliwa ka sedda, kui Samul Zimmer minnol käsk kohtomees Juk Hansile üttelda, et temma (Juk Hansi) om alla pool sittamulku 25 tolli."
Samul Zimmer kostis selle kaibusse päle nidate: "Minna olli mõtsawaht Toffer Metsawas'iga jännesse jahhi pääl nink sääl hawasi minna ütte jännesse ärra, ni et temma weel tük maad eddesi läts, kust temma tõistest innimestest ärra olli wõetu, (üttel omma zuwwa nink tõisel saapa jallan olnu). Sis lätsime Waltina kortsi, sääl olli Jaan Hansi een, nink selle käest küssisi minna, kas temma mitte ei tija kus se jännes om jänu, sis ütles Jaan Hansi, et se jännes temma ja Peter Maiseni käen om, nink et se jännes sanin om, ja tõine kõrd, et se jännes mõtsan om. Peter Maisen olli Jaan Hansiga sõitnu, Jaan Hansi om Waltina jänu nink Peter Maisen Jundi tallo sõitnu. Kui Peter Maisen Jundi poolt taggasi tulli sis sõitse temma Jaan Möllitzega koddo pole nink jätse Jaan Hansi Waltina taggasi. Minna sõitse ka koddo pole nink wõtse koddost kõrtsimees Peter Kreewald ütten ja sõitse Peter Maisen'ile perra, nink kui meije Peter Maisen'ile järgi saime, sis küssisi minna selle jännesse perra, ent Peter Maisen nakkas minno sõimama nink trotsma, et minna 3 tolli alla pool P. Maizeni sittamulku ollen.
Üts tõine kõrd ütles Peter Maizen minnole, et temma essi mitte kaibama ei lähhas, kui kohtomees Juk Hansi mitte ei kihhutas, nink Juk Hansi ollew Peter Maiseni 3 kõrda löönu."
Tunnistaja Peter Kreewald (Lutteri usko) andse nidate tunnistust: "Samul Zimmer kutsus minno ütten, nida kawwa kui Hango Kõiwe otsa manno, sääl piddasi minna Peter Maiseni hobbese kinni, ni kawwa kui Samul Zimmer manno tulli nink Peter Maiseni käest jännest küssis, ent Peter Maisen kostis: "Wõtta sis jännes minno käest ärra ja jätta minno rahhule. Muud tülli ehk kaklemist minna es näe, ent kui Peter Maisen koddo pole nakkas sõitma, sis ütles P. Maisen Samul Zimmerile: "Sinna ollet 3 tolli allapool minno sitta mulku."
Kui minna eesotsan Peter Maiseni ree päle istusi, sis es lõwwa minna säält üttegi jannest."
Tunnistaja Jaan Möllitz (Lutteri usko) andse nidate tunnistust: "Minna tulli Waltina kõrtsist Peter Maiseniga koddo pole nida kawwa kui Hango kõiwe otsa, sääl tulli Annemõisa kõrtsimees Peter Kreewald meile järgi ja wõtse Peter Maiseni hobbese kinni nink piddas nida kawwa kui Samul Zimmer järgi sai, sis nakkas Samul Zimmer tõrrelema ja lei Peter Maisen'ile, nida et Peter Maisenil suust werri wälja jooskse. Peter Maisen sõimas Samul Zimmerit ja Samul Zimmer sõimas ka Peter Maiseni. Samul Zimmer ütles ka Peter Maisenile, et Juk Hansi om 25 tolli alla pool sitta mulku, nink Peter Maisen ütles ka Samul Zimmerile, et S. Zimmer om 3 tolli allapool temma sitta mulku."
Tunnistaja Karl Leppik andse nidate tunnistust: "Karl Sibbul, Jaan Hansi (noor) ja minna, meije lätsime kolmekesse Annemõisa-kõrtsi pole, sis näggi tee pääl et Samul Zimmer Peter Maiseni kinni piddas ja mõllemba riidlesiwa; wimate lei Samul Zimmer Peter Maisenile suu päle nida et Peter Maisenil suust werri wälja tulli. Samul Zimmer saatse Peter Maiseni läbbi Juk Hansile teedmist, et Juk Hansi alla pool S. Zimmeri sitta mulku 30 tolli om, nink Peter Maisen ütles, et Samul Zimmer allapool Juk Hansi sittamulku 20 tolli om.
Samul Zimmer ütles ka, et temma Peter Maiseni 2 kõrda wasta maad om löönu."
Tunnistaja Karl Sibbul (Kreeka usko) andse nidate tunnistust: "Samul Zimmer tüllitses Peter Maiseniga ja ütles: "Kahjo et täämba pühhapäiw om, minno olles sinnole kül näutanu."
Et Samul Zimmer Peter Maiseni lei ni et suust werd wälja jooskse, näggi minna kül, nida sammute kuuldse ka minna, et nemma tõine tõist sõimasi, ent Samul Zimmeri ütlemist, et Juk Hansi allapool sitta mulku 20 tolli om, es kuule minna mitte; sedda kuuldse minna kül, kui Peter Maisen Samul Zimmerile ütles: "Sinna ollet 3 tolli allapool Juk Hansi sittamulku."
Tunnistaja Jaan Hansi, liggi suggulane, tunnistas nida sammute kui Karl Leppik om tunnistanu.
Puduwa tunnistajade perrast om täämba otsus andmata jänu.
Päkohtomees Märt Lüüs XXX
Kohtomees Karl Wernik XXX
" Peter Treumuth XXX
" Rein Mendik XXX
Peter Maisen kaibas:"Minna wei ommi erra linnu Tohwre pole Peter Nahhale müwwa, nink kui minna Tohwri poolt taggasi tulli, sis lätsi minna Jundi tallo, nink kui säält taggasi tulli Waltina kõrtsi manno, sis küssis Annemõisa Samul Zimmer minno käest: "Pois kus sinna selle jännesse pannite, mes sinna tee päält ülles wõtsite," ja otsis minno saani läbbi. Sis ütles jälle Samul Zimmer: "Anna pois se jännes kätte, sest Jaan Hansi tunnistas minnole ärra, et sinno teedmisse al se jännes om;" nink trotse minno ja tahtse minno käest sedda rahha 6 Rbl. 82 Kop. henda kätte, ent Jaan Hansi, selle rahha perremees, es lubba mitte sedda rahha Samul Zimmeri kätte anda. Minna nakkasi ärra koddo sõitma, ent Jaan Hansi es tulle mitte ütten enge jäi Waltina taggasi, nink Jaan Möllitz sõitse minnoga, minno ree pääl, Annemõisa pole. Ent tollepool Annemõisat Hango Kõiwe otsa man tulli Annemõisa kõrtsimees Peter Kreewald järgi nink istus minno ree päle ja wõtse hobbese ohja henda kätte nink piddas hobbese kinni. Minna lätsi ree päält ärra nink nakkasi omma koddo pole minnema, sis tulli Samul Zimmer tee päle risti ette nink tõmmas minno omma sani ja lei minnole 2 kõrda kõrwa päle nink nõudse minno käest ütte jännest. Karl Leppik, Jaan Hansi ja Karl Sibbul näggiwa selgeste, kui Samul Zimmer minnol suust werre wälja lei, ja ne 3 meest kuuliwa ka sedda, kui Samul Zimmer minnol käsk kohtomees Juk Hansile üttelda, et temma (Juk Hansi) om alla pool sittamulku 25 tolli."
Samul Zimmer kostis selle kaibusse päle nidate: "Minna olli mõtsawaht Toffer Metsawas'iga jännesse jahhi pääl nink sääl hawasi minna ütte jännesse ärra, ni et temma weel tük maad eddesi läts, kust temma tõistest innimestest ärra olli wõetu, (üttel omma zuwwa nink tõisel saapa jallan olnu). Sis lätsime Waltina kortsi, sääl olli Jaan Hansi een, nink selle käest küssisi minna, kas temma mitte ei tija kus se jännes om jänu, sis ütles Jaan Hansi, et se jännes temma ja Peter Maiseni käen om, nink et se jännes sanin om, ja tõine kõrd, et se jännes mõtsan om. Peter Maisen olli Jaan Hansiga sõitnu, Jaan Hansi om Waltina jänu nink Peter Maisen Jundi tallo sõitnu. Kui Peter Maisen Jundi poolt taggasi tulli sis sõitse temma Jaan Möllitzega koddo pole nink jätse Jaan Hansi Waltina taggasi. Minna sõitse ka koddo pole nink wõtse koddost kõrtsimees Peter Kreewald ütten ja sõitse Peter Maisen'ile perra, nink kui meije Peter Maisen'ile järgi saime, sis küssisi minna selle jännesse perra, ent Peter Maisen nakkas minno sõimama nink trotsma, et minna 3 tolli alla pool P. Maizeni sittamulku ollen.
Üts tõine kõrd ütles Peter Maizen minnole, et temma essi mitte kaibama ei lähhas, kui kohtomees Juk Hansi mitte ei kihhutas, nink Juk Hansi ollew Peter Maiseni 3 kõrda löönu."
Tunnistaja Peter Kreewald (Lutteri usko) andse nidate tunnistust: "Samul Zimmer kutsus minno ütten, nida kawwa kui Hango Kõiwe otsa manno, sääl piddasi minna Peter Maiseni hobbese kinni, ni kawwa kui Samul Zimmer manno tulli nink Peter Maiseni käest jännest küssis, ent Peter Maisen kostis: "Wõtta sis jännes minno käest ärra ja jätta minno rahhule. Muud tülli ehk kaklemist minna es näe, ent kui Peter Maisen koddo pole nakkas sõitma, sis ütles P. Maisen Samul Zimmerile: "Sinna ollet 3 tolli allapool minno sitta mulku."
Kui minna eesotsan Peter Maiseni ree päle istusi, sis es lõwwa minna säält üttegi jannest."
Tunnistaja Jaan Möllitz (Lutteri usko) andse nidate tunnistust: "Minna tulli Waltina kõrtsist Peter Maiseniga koddo pole nida kawwa kui Hango kõiwe otsa, sääl tulli Annemõisa kõrtsimees Peter Kreewald meile järgi ja wõtse Peter Maiseni hobbese kinni nink piddas nida kawwa kui Samul Zimmer järgi sai, sis nakkas Samul Zimmer tõrrelema ja lei Peter Maisen'ile, nida et Peter Maisenil suust werri wälja jooskse. Peter Maisen sõimas Samul Zimmerit ja Samul Zimmer sõimas ka Peter Maiseni. Samul Zimmer ütles ka Peter Maisenile, et Juk Hansi om 25 tolli alla pool sitta mulku, nink Peter Maisen ütles ka Samul Zimmerile, et S. Zimmer om 3 tolli allapool temma sitta mulku."
Tunnistaja Karl Leppik andse nidate tunnistust: "Karl Sibbul, Jaan Hansi (noor) ja minna, meije lätsime kolmekesse Annemõisa-kõrtsi pole, sis näggi tee pääl et Samul Zimmer Peter Maiseni kinni piddas ja mõllemba riidlesiwa; wimate lei Samul Zimmer Peter Maisenile suu päle nida et Peter Maisenil suust werri wälja tulli. Samul Zimmer saatse Peter Maiseni läbbi Juk Hansile teedmist, et Juk Hansi alla pool S. Zimmeri sitta mulku 30 tolli om, nink Peter Maisen ütles, et Samul Zimmer allapool Juk Hansi sittamulku 20 tolli om.
Samul Zimmer ütles ka, et temma Peter Maiseni 2 kõrda wasta maad om löönu."
Tunnistaja Karl Sibbul (Kreeka usko) andse nidate tunnistust: "Samul Zimmer tüllitses Peter Maiseniga ja ütles: "Kahjo et täämba pühhapäiw om, minno olles sinnole kül näutanu."
Et Samul Zimmer Peter Maiseni lei ni et suust werd wälja jooskse, näggi minna kül, nida sammute kuuldse ka minna, et nemma tõine tõist sõimasi, ent Samul Zimmeri ütlemist, et Juk Hansi allapool sitta mulku 20 tolli om, es kuule minna mitte; sedda kuuldse minna kül, kui Peter Maisen Samul Zimmerile ütles: "Sinna ollet 3 tolli allapool Juk Hansi sittamulku."
Tunnistaja Jaan Hansi, liggi suggulane, tunnistas nida sammute kui Karl Leppik om tunnistanu.
Puduwa tunnistajade perrast om täämba otsus andmata jänu.
Päkohtomees Märt Lüüs XXX
Kohtomees Karl Wernik XXX
" Peter Treumuth XXX
" Rein Mendik XXX
