Arro wallast kõrtsimees Hans Uibo, Nõo kihhelkunnast, Tartu Kreisist, tulli selle koggokonna maja nink näutas ütte kirja, mes Arro walla koggokonna wallitsussest No 354 al sel 16. Decembril 1875 om wälja antu, nink nimmitas ka, et temma Augusti kuul, sel aastal, Eesti Postimehhe sissen No 34 al om kuuluteda lasknu, et temmal üts werrew-kõrw täk hobbene, 100 Rubla wäärt, 4 aastat wanna ja pik lak hääle pole kääntu -- sel 8-9 Augustil 1875 om ärra warrastedu, ja nüüd ollew temma kuulda sanu, et üts nida suggune täk-hobbene Wanna Anzmõisa Reile tallo perremehhe Karl Otsa käen om olnu, nink Karl Ots ollew selle täkku Lättimaale ülle Kuiwa-jõe üttele kõrtsimehhele ärra wahhetanu nink ütte märra hobbese wasta sanu.
Karl Ots astus ette nink andse werrew-kõrwi täkku ülle nidate kostust: "Se om õige, et minno käen üts werrew-kõrw täk hobbene, 4 aastat wanna ja leht (lak) kurrale pole känetu -- om olnu; selle täkku ostse minna kängsepa Johann Pielbaumi käest nink masse täkku eest 75 Rbl. selget rahha ja 2 wakka Rükki Johann Pielbaumile. Päle Märti päiwa olle minna selle täkku ärra wahhetanu Lättimaale Kuiwa-liina (Adsel, Schloss) ülle jõe kõrtsimehhele nink sai selle wasta ütte paddi märra ja 7 Rbl. rahha."
Tunnistaja kõrtsimees Peter Kreewald Wanna Anzmõisast, andse nidate tunnistust: "Minna tahtse hendale ütte hobbest osta nink lätsi sel 7. Nowembril c. Karl Otsa tallo ja kaesi sedda hobbest, mes Karl Otsal ärra müwwa olli; se hobbene olli üts raudjas kõrw täk, 4 ehk 5 aastat wanna ja seddulka kottussel sälja pääl walge karwa plekk."
Tunnistaja Jaan Ots, Wanna Anzmõisast, andse nidate tunnistust: "Karl Ots tõi minno manno sel 26. Septembril c. ütte werrew-kõrwi täk-hobbese rawwutada; minna pandse selle täkkule kik nelli jalga wastsest rauda nink Karl Ots wei selle täkku jälle omma tallo taggasi.
Sel 27. Septembril c. tõi Jaan Kult sellesamma täkku minno manno taggasi ja ütles, et se hobbene likkap ütte eddejalga. Minna kiskusi haige jalla küllest rawwa mahha nink pandse selle haige jallale rawwa jälle alla. Wimate tulli Karl Ots nink wei selle täkku ärra omma maija."
Arro wallast kõrtsimees Hans Uibo, Nõo kihhelkunnast, Tartu Kreisist, tulli selle koggokonna maja nink näutas ütte kirja, mes Arro walla koggokonna wallitsussest No 354 al sel 16. Decembril 1875 om wälja antu, nink nimmitas ka, et temma Augusti kuul, sel aastal, Eesti Postimehhe sissen No 34 al om kuuluteda lasknu, et temmal üts werrew-kõrw täk hobbene, 100 Rubla wäärt, 4 aastat wanna ja pik lak hääle pole kääntu -- sel 8-9 Augustil 1875 om ärra warrastedu, ja nüüd ollew temma kuulda sanu, et üts nida suggune täk-hobbene Wanna Anzmõisa Reile tallo perremehhe Karl Otsa käen om olnu, nink Karl Ots ollew selle täkku Lättimaale ülle Kuiwa-jõe üttele kõrtsimehhele ärra wahhetanu nink ütte märra hobbese wasta sanu.
Karl Ots astus ette nink andse werrew-kõrwi täkku ülle nidate kostust: "Se om õige, et minno käen üts werrew-kõrw täk hobbene, 4 aastat wanna ja leht (lak) kurrale pole känetu -- om olnu; selle täkku ostse minna kängsepa Johann Pielbaumi käest nink masse täkku eest 75 Rbl. selget rahha ja 2 wakka Rükki Johann Pielbaumile. Päle Märti päiwa olle minna selle täkku ärra wahhetanu Lättimaale Kuiwa-liina (Adsel, Schloss) ülle jõe kõrtsimehhele nink sai selle wasta ütte paddi märra ja 7 Rbl. rahha."
Tunnistaja kõrtsimees Peter Kreewald Wanna Anzmõisast, andse nidate tunnistust: "Minna tahtse hendale ütte hobbest osta nink lätsi sel 7. Nowembril c. Karl Otsa tallo ja kaesi sedda hobbest, mes Karl Otsal ärra müwwa olli; se hobbene olli üts raudjas kõrw täk, 4 ehk 5 aastat wanna ja seddulka kottussel sälja pääl walge karwa plekk."
Tunnistaja Jaan Ots, Wanna Anzmõisast, andse nidate tunnistust: "Karl Ots tõi minno manno sel 26. Septembril c. ütte werrew-kõrwi täk-hobbese rawwutada; minna pandse selle täkkule kik nelli jalga wastsest rauda nink Karl Ots wei selle täkku jälle omma tallo taggasi.
Sel 27. Septembril c. tõi Jaan Kult sellesamma täkku minno manno taggasi ja ütles, et se hobbene likkap ütte eddejalga. Minna kiskusi haige jalla küllest rawwa mahha nink pandse selle haige jallale rawwa jälle alla. Wimate tulli Karl Ots nink wei selle täkku ärra omma maija."
