Wana Koiola kogokonna kohtun, Wissel, sel 31sel augustil 1882.

                                                                                                        #

Pääkohtumees Jaan Weiken kaibap et kui tema om lännu Peter Haidak poole Kihelkonna Kohtu käsu pääle kohtu otsust Katre Kottissele wälja sundma, sis om Peter Haidak üttelnu mes sina alati minole seda haigut, pallep sääratse häbemata wastuse eest Peter Haidak trahwi.

Peter Haidak ütles, et seda ei ole üttelnu mas sa haugut. -

Mõistetu: Sääduse käsu wasta pandja nink ameti meeste trotsmine peap trahwitus saama. 

Otsus: Peter Haidak massap 6 rubl trahwi selle kogokonna waeste laadike hääs 14 päiwa sisen ära.

Otsus ette loetu § 772 - 774 kuulutet.

Peter Haidak kuulut, et tema selle kohtu otsusega rahu ei ole pallel suurembat kohut käwwa mes ka lubatus.