Sullane Michel Trohkim aste ette nink and ülles, et temmal nüüd perremees Jakob Eiche soldatis ärra lähap nink pallel temma käest sedda lepitut kogokonna nink krono masso 4 rubl. 80 cop. sisse ärra nõuda.

Jakob Eiche saije selle päle ette kutsutus, üttel ennegi Michel Trohkimi eest pool päraha massa lepitu ollewat.

Michel Trohkim tunnist tõtteste täus päraha lepitus ollewat, kelle ülle kül ütteke tunnistust es ütle ollewat.

Jakob Eiche es anna sellele perra, enge ütel ennegi pool päraha lepitus ollewat.

Selle päle es ütle kohtun käüja ennemb middagi ütlemist ollewat, sis

Mõisteti

et neil selle asja ülle tunnistust es olle, sis peap Jakob Eiche Michel Trohkime eest täus kogokonna kui krono massu wälja masma.

Selle kohtu otsus saije kohtun käujile kulutedus nink tall. rahw. säd. ramt. 1860 aast §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

       "            Peter Truup XXX

Kirjotj.: J.Kirrop