Perremees Jaan Tarro tõst Michel Saki päle kaibust, et sesamma ollewat temma käest katte aasta eest 12 palki, kellest 10 tükki 10 tolli ja 2 tükki 12 tolli paksu olnu omma lauda tarwis lainanu ollewat, nink nõwwap neid ärra tassoda.

Michel Sak ette kutsutu tunnist sedda tõtte ollewat, nink ütel weel omma maja tarwis 22 palki sada ollewat, kellest Jaan Tarro neid asemele ärra woip weddada.

Jaan Tarro nõudse raggomise nink weddamise hinda 80 Cop. tükki päält, ehk weddagu Michel Sak esi ne palgi omma kulluga temmale asemele.

Selle päle es ütle kohtun käuja ennamb middagi ütlemist ollewat, sis

Mõisteti

et Michel Sak peap ne 12 palki Jaan Tarrole ärra weddama, ehk selle tarwis 9 rubl. weddamise kullu 14 päiwa sissen ärra masma, sis peap Jaan Tarro esi omma kulluga ne palgi temma xxst hennele asemele weddama;

Se kohtu otsus saije kohtun käujile kulutedus nink tallo rahw. säd. ramt. 1860 aastast §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

       "            Peter Truup XXX

Kirjotj.: J.Kirrop