Peeter Siiraki wend Karl Siirak on Peebu talu peremehe Karl Tintz man rentnikun Karl Tintz wanki saiwa sel 14 wasta 15 Octobr s.a. ööse ära ja om  sel perisperemmehel weel muid weikeisi asjo ära warastedu Peebu peremees Karl Tintz Palus kog. kohut et tema rentnik Karl Siirak mitte ustaw inemine ei ole selle et nema ööse ühest kohast tõisi käüwa ja wõõrad mehed ka ööse nende pool käiwad siis neide warantus läbi kaeda kas neil mõnda neist warastud asjust tema kraamin leida om, kog. kohus oli Peebu talul koon ja sai K. Siiraki warantust üle kaetud sääl leiti üks tõrdu ja üks jalosse paine. Kui need asjad nende kraamist löüti siis olli Karl Siirak Peeter Siirak ja Mari Siirak wäga krop kog. kohtule ise äranes Peeter Siirak.

Pääkohtumees A. Asserus ütles sull ei sünni siin midagi kõnelda Karl Siirak om peremes ja tenud tendale trahwi siis ütles Peeter Siirak küll sa näet sa teenid esi hendale. -

Pääle selle on peran seda wanki wargust weel neil wõõrad mehed Peebu rentniku pool ööse käinu

Otsus: mõistus jääb tõises kohtu päiwas.