Karl Sisask tunnistas Röstu Orikul olli mina Juhan Weski Peedu Peterson ja Peeter Kängsepp olliwe Rösto Orikul töön käusiwe sääl saunan ja Mihkel Orik tulli sinna

Päiw olli ära lännu koguni hammar olli meie tullime säält ära Mihkel Orik jäi meist sinna kohes ta läts seda meie ei tea. ta ütles et ta kirwest ollew tulnu otsma mis temal sinna jäänu aga ka kirwest ei ole ta sell korral ära säält toonu. -

Mihkel Orik ütles mina lätsi Röstu Orikule ja Sisask tulli Wooruse läwe pääl wasta muid es ole kedage, aga tõise töö mehe olliwa olnu wärete man, perenaise käest sai ma amme kätte aga kirwest ma es sa kätte kirwes olli töö kambrin wõtind es lõwwa kirwes jäi sinna, mina ei mäleta kas perenaine wai tüdruku mulle amme kätte anniwa, siis tulli õkwa joonelt üle Urmidootsi kodu.

Otsus jääb tõiseks kohtu päewaks. -