Wana Koiola kogokonna kohtun, Wissel, sel 14tal october 1882

                                                                                                                  #

Leena Kaha oma eestsaisjaga Jaan Maasik kaibap, et Kähri mees Jaan Kirber om temale 25 rubl wõlgo. 5 rubl om hainoga tasa saanu, nõwwap seda kätte. -

Jaan Kirber annap wastust, et see wõlg om tema kadonu esa Peter Kirber om kadonu Johan Kahale 25 rubl wõlgu olnu - nink üts kuhi haino andnu. -

Mõistetu: Et kaibatawa oma tunistuse perra tõtte et 25 rubl wõlgu tema esa wõtnu kadonu Johan Kaha käest. Kuhi haina wõise ka üts koormaline olla, kellega kaibaja ütlep 5 rubl tasotu ollew. Jaan Kirber om oma esa wara nink talo perinu.

Otsus: Jaan Kirber peap 20 rubl 14 päiwa sisen Leena Kahale ära masma. 

Otsus ette loetu § 772 - 774 kuulutetu. 

Jaan Kirber lubap 25 dezembril s.a. see otsus ära massa. -