Wana Koiola kogokonna kohtun, Wissel, sel 25tal oktober 1882

                                                                                                                #

Leena Kaha oma eestsaisjaga Jaan Andreimann kaibap, et Mihkel Kiisk om oma weli Kusta Kiisk soldanist walja osta 25 rubl lainanu - tema kadonu mehe Johan Kaha käest, nõwwap seda kätte.

Mihkel Kiisk annap wastust, et tema kadonu esa Jaan Kiisk om 1866 aastal kadonu Johan Kaha käest 100 rubl lainanu, nink sest om 80 rubl selget raha tagasi mastu. 

Kusta Kiisk annap seletust, et tööd om tettu - wankri zõõri  -  8 rubl

                                                                                  1 saan   -             5  rubl

                                                                                  1 soogi laud  -    3

                                                                            ---------------------------------

                                                                                                              16 rubl

Leena Kaha ütles et tööd ei ole mitte saanu wankri zõõre - saani ei ka lauda, annap seletust, et 4 aastat tagasi om Kusta Kiisk weel 5 rubl prozenti mitme aasta eest tema kadonu mehele Johan Kaha Wõrro liinan masnu, ja lubanu 25 rubl wõlga ka ära massa.

Mõistetu: Et muud korralist tunistust ei ole et 25 rubl Mihkel Kiisk kaibajale massa olew - ent nii paljo kui kaibatawa wasta ütlemise perra tõtte, et 100 rubl  4 rubl weel masmata nink wõla asi 16 rubl wana.

Otsus: Mihkel Kiisk massap oma wele Kusta pääle lainatud wõlga 4 rubl Leena Kahale 2 nädali sisen ära.

Otsus ette loetu § 772 - 774 kuulutet.

Kaibaja eestsaisja Jaan Andreimann nink Mihkel Kiisk kuulutiwa molemba, et nema selle otsusega rahu ei ole pallewa suurembat kohut käwwa mes ka lubatus sai.