Ette tulli peremees Dawid Rosenberg nink kaibas tütruku Marri Kammeri pääle, et sesama tema teenistusest ära om pagenu, ilma luba küsimata ja nägemata, kunna tema Dawita teenistuste aasta pääle olew lepnu ja nöud et see tema teenistuste tagasi tulgo, ehk masku lepitu aasta palk.

Saije Marri Kammer ette kutsutus oma kõrwal saisja mehe Ants Seppmanniga, kes wastut et tema ollew kül Dawita teenistusest ära lännu selleperast et tema haige olnu, nink küsinu peremehe käest rohu raha, kunna peremees raha ei olew andnu, nink ollew tema röiwid kinni pidanu, kui tema ollew tahtnu rohto otsma selleperast ei minnew tema mitte tagasi enamb. Muud süüdü temal es olew enamb kaiwata, nink tagasi ei minnew ka mitte.

Dawit Rosenberg wastut küsimise pääle et mis tema rõiwid keeleti, kui ta tahtse rohto otsma minna - et täl ollew pernaine kottust ära lännu, kuna ait iks luku pidi kääntu olema ja wõtti pernaise käen, nink es ole ka Marri kellegi käest rõiwid küsinu et tälle neid olew wõinu anda.

Omma esi henda wahel ärä lepnu niida: et Marri massap peremehele weel tagasi 6 rubl. 20 kop., nink luppas täämba 2 nädali perast sija kohto pääle ära massa. 

[Ääremärkus: om mastu sel 10. Aug.c.]