Wana Koiola kogokonna kohtun, Wissel, sel 15tal dezembril 1882

Man olliwa kohtuwanemb: Joosep Hurt

                    kohtumees: Otto Hermitz

                               do      Johan Pikk

Peter Lauk kaibap, et tema sulane Peter Juhkason om sõna kuulmatu nink trotsja - nõwwp teda trahwi nink teenistusest prii - selleperast et üles ajanu - nink seda ei ole kuulnu, nink uutte töö mano tulnu üttelden mina sinno ei pelga - ja weel tema naist ahwartanu purus löwwa - nink ka ähwartanu, kui peremees tulu prii teep, sis tema näutap, mes tema tetta woip.

Peter Juhkanson annap wastust et teda om peremees üles ajanu ent tema om haige olnu, ent sellegi perast töhu lännu, sis om peremees larmitsema nakanu nink teda ära ajanu.

Peter Lauk panep tunistajas Juula Kiwi kee wälja ütles et Peter Juhkason om Peter Lauk naist ähwartanu purus lüwwa, üttelden: sait kambre usse sait kinni panda, muido oles mina sinno purustanu.

Jürri Kindsiraud om tunistust andnu, et Peter Juhkason om Peter Lauk üttelnu, mina sinno ei pelga.

Peter Juhkason om katte kuud teenu palk 25 rbl olnu.

Mõistetu: Et Peter Juhkason peremehele sõna kuulmata olnu nink maja rahu riknu, sellega et naist härwatanu purus lüwwa.

Otsus: Peter Lauk peap Peter Juhkansonle 17 rubl teenitu aja palka ära masma, nink Peter Juhkason jääp Peter Lauk mant teenistusest prii; ent maja rahu riikmise eest massap Peter Juhkason 3 rubl trahwi selle kogokonna waeste laadike hääs.

Otsus ette loetu § 772 - 774 kuulutetu.

                                Kohtuwanemb: Joosep Hurt  XXX

                                 Kohtumees  Otto Hermitz  XXX

                                           do       Johan Pikk  XXX

                                                   Kirj. P. Black