Wana Koiola kogokonna kohtun, Wissel, sel 21 webruaril 1883.

Man olliwa kohtuwanemb: Peter Suig

                    kohtumees: Johan Keerd

                           do           Karl Sikkal

Peep Laur kaibap, et täämba nädal tagasi om tema Peter Käärik´ga Wõrrolt kodo sõitnu ütte saani pääl, ent Perri weski man om tema pöksi lahki lahotu nink 6 rubl raha nink 40 rubl prozenti kwitung karmanist ära warastetu, arwap et Jaan Nikopensius seda wargust om toimetanu, nõwwap rõiwa kahjo 50 rubl nink kohtuliku trahwi - 6 rubl raha nink kwitung kätte.

Jaan Nikopensius annap wastust et tema ei ole kaibaja rõiwit lahknu, ei ole ka mitte raha ei kwitungi ara warastanu.

Noor Peter Käärik annap tunistust, et Perri weski mano om Peep Laur sisse lännu nink Jaan Nikopensius ütten kiwi kotta perra käunu - peran seda om Jaan Nikopensius 2 rubl raha Peter Käärik´le andnu, üttelden et Peep Laur raha om mino käen asja omma häste.

Peter Kolt annap tunistust, et Peter Käärik om kõnelnu, et Jaan Nikopensius pöksi ära lõiganu, nink raha ära wõtnu. 

Jaan Nikopensius om ka lepingot Peep Laue´le käunu pakman raha nink kwitung tagasi anda tahtnu, ent Peep Laur ei ole kotton. -

Peter Parriots om ka kuulnu, kui Jaan Nikopensius lepingot lännu Peep Laurle pakma, ent Peep Laur ei ole kotton olnu.

Et kaibus rööwmise nink wargusega kokko käup, saap asi Keisriliku Wõrro Maakohtu kätte saadetus; selle et Jaan Nikopensius süüdlane om löutu.

                            Kohtuwanemb: Peter Suig

                              Kohtumees: Johan Keerd

                                    do           Jaan Tobrelutz

                                            Kirj. P. Black