Wana Koiola kogokonna kohtun, Wissel, sel 21 webruaril 1883.

                                                                                             #

Noor Karl Tobrelutz kaibap, et temal om Samuel Härms käest 100 rubl kadonu esa Peter Tobrelutz antud raha sada, nõwap seda kätte. Se lain om 1872 aastal olnu, nink Samuel Härms om temale üttelnu, et see raha om rekrudist walja pästmise pääle ära kullunu. -

Samuel Härms annap wastust et sinna om 11 aastat tagasi, et ei mäleta paljos temal kadonu Peter Tobrelutz raha lainatu olnu - ent mitte rekrudist pästmise pääle - enge selge wõlg - kui paljo siski seda olnu ei ole meelen  - ent om ka kiik see wõlg ära mastus saanu, panep sellepääle Wana Karl Tobrelutz tunistajas.

Kaibaja panep tunistajas Wana Peep Tobrelutz nink Mihkel Tobrelutz. -

Peep Tobrelutz annap tunistust, et tema kadonu weli Peter Tobrelutz om 1872 aastal 75 rubl Samuel Härms Noor Tobrelutz pastmise pääle andnu, nink sell aastal om ka ära päsnu. -

Mihkel Tobrelutz annap tunistust, et tema om Samuel Härms´le 1872 aastal Tarto liinan 25 rubl omast käest andnu, Noor Karl Tobrelutz rekrudist pästmise pääle. -

Tunistaja Wana Karl Tobrelutz ette tulla     jääp poolele.