Selsamal päiwal

Hindrek Tootsamann kaibap, et Peep Holwandus om temale oma poole maija 9 aasta pääle 60 rubl eest rendi pääle andnu - nüüd tahap wälja ära ajada kuna 6 aasta weel olemada - tahap edesi elada.

Peep Holwandus annap wastust et tema om aasta perast Hindrek Tootamannile üles üttelnu - ent palwe pääle om üttes aastas sisse henne poole elama jätnu. -

Tunistajit ei ole kumalgi anda.

Mõistetu: Et Kroonu ostmise kontrakti perra oigut talo maast tuki wiisi rendile anda ei ole; nink ka aasta perast kaibajale üles ütteldu- ent jälle sisse jättetu, nink edasi elamise pääle põldu edesi arinu.

Otsus: Hindrek Tootsmann jääp 23 aprillini 1884 - 60 rubl rendi eest lepingo perra Peep Holwandus poole maa pidajas - nink peran seda ei saa määrastki kahjo tasomist. -

Otsus ette loetu § 772 - 774 kuulutet.

                                        Kohtuwanemb: Peter Suig 

                                            Kohtumees: Karl Sikkal

                                                   do          Jaan Tobrelutz

                                                     Kirj. P. Black

Peep Holwandus kuulut suuremba kohtu kaumist mes ka lubatus sai.