Wana Koiola kogokonna kohtun, Wissel, sel 4 april 1883.

                                                                                                               #

Jaan Pikk kaibap, et Adam Padi om tema tutre Tilsi möldre taren kinni wõtnu nink maha löönu ja peran seda roiwa sälga ära lahknu, nõwwap ütte kuhwti kahjo 2 rubl nink trahwimise perast kogokonna kohtu trahwi.

Adam Padi ütlep mitte kuhwt lahknu ollew, ent Jaan Pikk tüttar om möldre naise sõsar Juli Wiira kinni wõtnu, keda tema hullamise pääl om tõmmanu, selle man om ka Jaan Pikk tütar Miili Pikk maha sadanu

Peter Moistu annap tunistust, et Adam Padi om kül Juuli Wiira Mili Pikk maha tõuganu, kui wiimane om ussest wälja lännu om ka Adam Padi takast wälja lännu.

Mõistetu: Et tunistuse perra awalik et Adam Padi latsikel takan lännu, kon ka kuhwt wõise lahotus saada. 

Otsus: Adam Padi peap 2 rubl Jaan Pikkle rõiwa kahjo masma nink massap 1 rubl kogokonna waeste laadike hääs 14 päiwa sisen trahwi. -

Otsus ette loetu § 772 - 774 kuulutet.