Kohtulik tallitus sel 25dal Septembril 1867.

Et sel meije Ilmjerwe Krono walla wanna Perremehhel Peter Weski omma Kaurodootsi maja jaggaminne omma poige Hindrik ja Juhhani kätte Tarto Kreiswallitsusse poolest es sa lubbatus, nink et säält poolt kõwwaste sedda maja jaggamist selle kirjaga, mes om wälja antu sel 23dal Augustil s.a. № 2608 all ärra keelti, et nisuggutse jaggamissega ei ennamb sedda kohhut wäiwata; nink tolleläbbi meije koggokonna kohtu Protokollist, mes sai kirjotedus sel 18dal Augustil s.a. № 30 all, middagi es sa, Sis aste täämba se üllewel nimmitedu Kaurodootsi wanna perremees Peter Weski kohtu ette, ja ütles: et temma omma maja tahhap koggoni ütsinda omma poja Johani kätte anda, nida et päle selle Johan peap kiik maja massu, mes Kaurodootsi maja eest tullep massa, illusaste täwweste, nink ka kiik krono orjusse ärra tassuma, ja weel päle selle peap Johann omma wannembile Essale, 65 aastat wanna, ja emmale 63. aastat wanna egga aasta neide pätoidusse tarbis andma

Päle selle sai se kohtulik tallitus, - ei mitte ennamb koggokonna kohtu, enge koggokonna Maade Leppingu nöri ramatude ülleskirjotedus, ja ka nöri raamatu järgmane nummer pantus.

Sedda om koggokonna kohhu, ja ka koggokonna Wallitsus hääs kitnu, sis saap se maja andmisse ja wõtmisse kohtulik tallitus, koggokonna kohtu, kui ka koggokonna wallitsusse poolt kinnitedus. -

Koggokonna Wannemb Karl Kauro. X X X

Pä kohtumees Mich. Birkenbaum X X X

Kohtomees Hindrik Wesk X X X

     "       "      Michel Urm X X X

Koggokonna Wöölmünder Jaan Saar X X X

Koggokonna kohtu kirjotaja    PAsor