Keiserliko Tarto Kreiswallitsusse kässu pääle, sel 23 August № 2608. saiwa täämbatsel päiwal Kaurodootsi Perremees Hindrik Wesk, ja temma noremb welli Johann Wesk kohtui ette tallitedus, neide maja andmisse ja wõtmisse perrast. -

Siin üttel Hindrik Weski koggokonna kohtu een ülles, et temma omma maja tahtwat anda omma noremba welle Johani kätte, ni kauges kun temma (Hindriki) noremb poig Jaan, kumb 12 aastat wanna om, 21 aastat wannas saap, ja jonelt peap ka nüüd Johann omme wannembit kes seni ajani Hindriki toitmisse all olliwa henda toitmisse, ja neide eest murretsemist henda kätte wõtma, seni kawwa kui maja Juhani käen om. -

Kohtuliku küssimisse päle kostse Hindrik Wesk et temma omma maija ei woiwat selleperrast essi piddada, et temma rinnust koggoni wäega köhn ja häddalinne om, nink selle tõbbe tunnistusse perrast piddi temma üts arstlik Atestat Kreiswallitsussele nätta wiima. -

Sedda om kiik koggokonna liikme kõlblikus arwanu ollewat et Johan seda maija Hindriki Jaanitse poja 21 aastani wallitsep, selle perrast, et Hindriki Wallitsemissega, kon temma koggoni põddelik ja kõhn om, se maja jo koggoni ommast joonest ärra lääp. -

Et se kige koggokonna kohtu liikmide arwamisse perra kõlblik ja ainult tarwis ja kassulik om, sis suap ka se Protokoll koggokonna wallitsusse, kui ka koggokonna kohtu poolt kinnitedus.

(:Koggokonna kohtu all kirri  X X X:)

Koggokonna kohtu kirjotaja PAsor  [allkiri]