Keiserliko Tarto Kreiswallitsusse kässo pääle sel 30 März C s,a, saiwa täämbatsel päiwal Peebo maja perremees Adam Uibo ja Temma welli Hindrik Uibo kohto ette tallitedus, maaja poolendamisse perrast. -

Siin ütles perremees Adam Uibo; et temmal nüüd omma maja, kumb 10nel Oktobril 1867 õddago kel 10 ärra palli, tullep jälle wastsest ülles tetta, nink temma ütles: Et ütsinda se ehhitaminne temmal koggoni ülle jõwwu ja rasse om. Nink nüüd omma pool jaggo maja kiige poole jaggo maadega omma welle Hindrik Uibole tahhap 10. (kümmne) aastas anda, nimmelt selleperrast: Et sis selle maja ülles ehhitamisse man peap Hindrik Uibo ka temmale abbis ollema; nink et nemma sis kattekeste üttemeelelikult kokku lööwa, ja kõrraperralitsel wiisil se wastene tarre ülles teggewa. -

Hindrik Uibule saij se selletedus: Et temma peap eddespäidi, seni kui kümne aastani, kige, selle pool Peebo maja kroono poolt pääle pantu renti, - kiik orjusse, nimmelt Jaama, posti nink kerriko tee, ja ka kiik massut mes eggal Lutre perremehhel tullep massa, - ilmwõlgo jäämata eggakõrd parral ajal ärra masma. -

Poolwõtja Hindrik Uibo X X X                          poolandja: Adam Uibo X X X

Sedda on kiik üllewel nimmitu koggokonna kohtumehhe sündsa ja kõlwoliko arwanu ollewat; nink saap koggokonna kohtu poolt hääs kittetu. -

/:koggokonna kohtu allkiri X X X:/

Koggokonna kohtu kirjotaja P Asor