Wana Koiola kogokonna kohtun Wissel, sel 13tal junil 1883.

Man olliwa kohtuwanemb: Peter Suig

                    kohtumees: Karl Sikkal

                              do        Jaan Tobrelutz

Saie ette woetu, mes sel 4 april s.a N 83 al poolele jäi.-

sel 10tal mail s.a. om Timmo wallast kadonu Hans Rihm läsk Leena Rihm tunistust andnu, et tema kadonu mees Hans Rihm om Karl Rihm esa kaest nee hõrrila ostnu, kohes 33 aastat aiga tagasi, ent hõrrilde pääle om pääle selle 100 rubl raha lainatu.

Liisa Plado Timmo wallast kadonu Hans Rihm tüttar annap tunistust et tema ei tiija sest asjast midagi.

Jakob Wreimann annap tunistust, et 33 aastat tagasi om Hans Rihm Kiomast Wõrro walla Hans Rihm käest 100 rubl hõrrila osta lainanu.

Kohtumees Mihkel Plakso annap tunistust et kui kadonu Hans Rihm Wana Koiola mõtsawaht 1881 aastal om ära koolnu, sis om Karl Rihm Wõrro wallast sinna tulnu, üttelden et 35 rubl wõlgu saada, nink see eest ennagi üts 15 rubliline ziga tagasi saanu.

Wõrro wallast Peter Zopp annap täämba tunistust: et kadonu Hans Rihm Pikkesilla Wana Koiola mõtsawaht om teda wasta üttelnu, et Karl Rihm esa käest ole mina need horrila henda katte saanu, mes v. Lowes Herra Wõrro mõtsawahile olla kinkinu. -

Nink üts noot om Hõrrilde sisen olnu, mes kadonu motsa Herra von Lowis maletuses Hans Rihmile kinkinu.

Wõrro wallast Mihkel Wold annap tunistust, et kadonu Hans Rihm horrilde sisen üts täht nimme kon kirjotet olli, et Hans Rihmal malestuses kingitud noot v Lowis alkirjaga. 

Sedasamma tunistust om ka noodi üle Wõrro wallast Peter Trei andnu, kui Peter Zop nink Mihkel Wald walja üttelnu.

Hans Rihm om sel 11 märzil 1881 aastal ara koolnu.

Mõistetu: I. Et wõla nõudmise asi joba 33 aasta wana, nink selle üle tunistust ei ole, kunas raha hõrrilde pääle om lainatu. 

                II. Et kaibaja Karl Rihm om Hans Rihm kongursi warra sisse horrila lasknu ära minna, nink proklami ümbre jooskmise ajal ei ole perra nõudmist tennu.

               III. Et Keiserliku Kihel. konna kohtu käsu pääle omma kadonu Hans Rihm orrila kongursi nõudmise wõla perijide hääs saanu ära müüdus, nink sellesama Keisriliku Kihelkonna kohtu käsu pääle kaibaja Karl Rihm kaest Wõrro wallast horrila lastu ärra tuwwa nink oksion pääl ära müwwa. 

Otsus: Karl Rihm kaibus hõrrila nõudmise perast tühjas arwatu.

Otsus ette loetu § 772 - 774 kuulutet.

                                  Kohtuwanemb: Peter Suig  XXX

                                  Kohtumees Karl Sikkal  XXX

                                       do            Jaan Tobrelutz  XXX

                                                Kirj. P Black

Karl Rihm kuulut suuremba kohtu kaumist mes ka lubatus sai.