Wana Koiola kogokonna kohtun, Wissel, sel 22 april 1881.

                                                                                                               #

Keisriliku V Kihelkonna kohtu kirja perra sel 28tal märzil s.a. Nr 2594 - sai Samuel Härms kaupmees P. Mõttus wõla 192 rbl 55 kop. perast ette kutsutus, mes om kästo wälja sundi: 

Samuel Härms annap wastust: 

I. Et Blanco wekslit mitte kaupmees P. Mõttus ei ole saanu enge üts wõla täht, mes P. Mõttus oma ütlemise perra ligi 300 rbl olla olnu, mes ka S. Härms om ala kirjotanu; tolle pääle et tema sest rehnungist esi midagi ei ole toonu, enge H. Kahu, kellega arwatu wälja tulla, nii paljo, kui nõudmise kirja pääl nätta om, mes Härmse nime pääl käuwa. 

II. Samuel Härms ütles et temal oma kirjade perra noutu wõla kaupmees P. Mõttus´le ära mastu, mes H. Kahu ilma tema kirjata wõtnu, ei puttu temale, selleperast arwap

S. Härms ommi wõla nõudmise algus kirjo kaup. P Mõttus kaest wälja; tulep tema kirjo perra massa, lubap tasoda, wõip olla ehk weel wälja saada om.

III. 1880 aastal augusti kuul, kui S. Härms Tarton om olnu, om P. Mõttus koiges ennegi 100 rubl nõudnu, ent nüüd nowwap jälle 192 rubl 55 kopkat.

Wiimselt et S. Härms kaupm. esi ei ole wõtnu, selleperast ei tiija ta kogoni selget rehnungi, nink nowwap oma wõla kirja wälja. -

Otsus: See wõla asi saap Keisriliku V. Kihelkonna kohtu seletuse ala antus, selle et P. Mõttus kadoniku seisusega om.

                                      Kohtuwanemb: J. Weiken  XXX

                                      Kohtumees: Jaan Tobrelutz  XXX

                                                 do       Joosep Hurt  XXX

                                                           Kirj P Black