Wana Koiola kogokonna kohtun, Wissel, sel 22 april 1881.

Man olli kohtuwanemb: J. Weiken

               kohtumees: Joosep Hurt

                          do       Jaan Tobrelutz

Jaan Baumann Põlwa wallast kaibap, et Jacob Käis kee 16 aastat wana om tema mano Peter Käis selle poisi esa teenistuste andnu, 10 rubl palka lepitu, om 3 nädalit teenu, nink teenistusest wargusi ara lännu, nõwwap selleperast 10 rubl kahjo tasomist, nink 2 rubl raha nink saapa ke ära warastnu. 

Jakob Käis oma esa Peter Käis eestsaisusen annap wastust, et mina ole möldre Jaan Baumann mano proomi pääle lännu, mitte aastas teenistuste lepnu, kuna peremees temaga sugugi rahu ei ole olnu, selleperast pidanu teenistusest ära minema.

Raha ei ole mitte warastanu, ent saapa om kül saanu.

Mõistetu: Et awalikus ei ole saanu et Jacob Käis kaibajale oles  teenistuste lepitu - ent ennegi proomi pääl olnu.

Kolm nädalit ja muud ei ole saanu, kui 1 paar saapit, mes 1 rbl 80 wäärt olnu - ent kohtumehe tunistuse perra awalikus saanu et kaibaja 1 rbl lepingu wiisi lubanu Jacob Käisle perra massa.

Otsus: Kaibaja ei sa midagi, kaibus tühjas arwatu. -

Otsus ette loetu § 772 - 774 

Jaan Baumann kuulut et tema selle otsusega rahu ei ole pallel suurembat kohut käwwa, mes ka lubatus sai. -

                                      Kohtuwanemb: J. Weiken

                                      Kohtumees: Joosep Hurt

                                             do           Jaan Tobrelutz

                                                      Kirj. P. Black