Wana Koiola kogokonna kohtun, Wissel, sel 11tal mail 1881.

Man olliwa, kohtuwanemb: Jaan Weiken

                     kohtumees: Joosep Hurt

                             do    :     Jaan Tobrelutz

Liis Lutzar oma eestsaisjaga Johan Lutzar kaibap, et Peep Tobree om karja mano tulnu, nink üttelnu jala laku, selle pääle om karja mant paku lännu, nink Jaan Käis poole kodo paenu, sinna om Peep Tobree järgi tulnu, saal om kats woori rusikoga päha löönu, nink kolmas woor om roodja tukiga külge löönu - nõwwap kohtuliku trahwi löögi eest - nink 50 rubl walu raha, nink moona seeni kui elap, selle et hädalises om saanu pestus. 

Kaibaja panep tunistajas: Jaan Käis nink selle naine Ewa Käis.

Peep Tobree wastutas tema ei ole loonu mitte Liis Lutzarile.

Tunistaja Jaan Käis ütles wälja, et Peep Tobre om üts kõrd Liis Lutzar  kül rusikoga päha löönu - muud ei tiija üttelda. -

Ewa Käis andnu tunistust kohtumehe Jaan Tobrelutz kätte, kee esi kogokonna kohtu ette ei woi tulla, - et Peep Tobree om Liis Lutzarit edimalt roodjaga nulka zurknu, sis om kolmkõrd rusigoga päha löönu, nink üts kõrd weel rusikoga päha loonu, mes ka tema mees Jaan Käis om üttelise nannu. -

Et see pesmine üts rasse om olnu, selleperast saap see asi Keisriliku Wõrro Maakohtu kätte antus. -

                                     Kohtuwanemb: J. Weiken  XXX

                                     Kohtumees: Joosep Hurt  XXX

                                             do          Jaan Tobrelutz  XXX

                                                            Kirj. P. Black