Wana Koiola kogokonna kohtun, Wissel, sel 3tal junil 1881. -

                                                                                                                #

Johan Schuster kaibap, et Joosep Kade om tema käest maa ära wõtnu - nõwwap selleperast hoonete ehituse eest nimelt - kambre 15 rubl - aita mes tema oma, wälja see maa päält - nink maa puhastamise eest mes 1/3 waka maa suur nowwap selle eest 15 rubl. -

Nink 39 paiwa Joosep Kadele tööd tennu nõwwap selle eest 19 rbl 50 kop, maa arimine 30 rubl 50 kopkat.

Kats waka kaaro külwetu nink maha tettu. - seeme 5 rbl nink töö 2 rbl 50 kopkat. -

Kaibaja üleüldine nõudmine Joosep Kade käest koko 68 rubl. -

1880 rendi eest om Joosep Kade 2/3 ara wõtnu 6 rbl. - 

Johan Schuster lubap aasta rent 45 rbl 74 rubl nõudmisest maha. - nowwap selleperra 29 rubl Joosep Kade käest kätte  - Nink wasta sääduse eel wälja ajamise eest nowwap aasta moona hendele.

Joosep Kade ütles maja ehitus töö eest om tema Johan Schuster´le aasta puu andnu, hinnast ei ütle Joosep Kade midagi puudu ollew. -

Johan Schuster ei ütle üts halg puud saanu olla. -

Joosep Kade and wastust, et tema om Johan Schuster selle ara ajanu, et renti ei ole ära masnu. - 45 rubl 23 april 1881 aastal . -

Nink Johnn Schuster om küüni põrmand nink lao puu ka ära wedanu. -

Mõistetu: Et Joosep Kade omast Kroonu rendi talost 30 waka maa wälja rentnu, mes Kroonu rendi kontrakt ei lupa - nink Johan Schuster rentnikus wõtnu, keda enne aega ära ajanu - kee 29 rubl selle läbi kahjo sisse saanu. -

Otsus: Joosep Kade peap 29 rubl Johan Schuster kahjo tasomist 4 nadali sisen ära masma, nink Joosep Kade massap 6 rubl trahwi selle kogokonna ladike hääs, selle et Kroonu rendi talost toisel maad wälja rentnu. Aita wõttap Johan Schuster ära. -

Kohtukaujile otsus ette loetu § 772 - 774 kuulutetu. -

                                               Kohtuwanemb: J. Weiken  XXX

                                               Kohtumees: Joosep Hurt  XXX

                                                        do         Jaan Tobrelutz  XXX

                                                                   Kirj. P. Black

Joosep Kade kuulut, et tema selle otsusega rahu ei ole, pallel suurembat kohut käwwa, mes ka lubatus sai. -

Niisama kuulut ka Johan Schuster et tema selle otsusega rahu ei ole. -