Wana  Koiola kogokonna kohtun, Wissel, sel 15tal junil 1881.

                                                                                                                  #

Haan Käis kaibap, et Noor Liis Lutzar om Wana Liis Lutzar rõiwit warastanu, nink tema elotuste kandnu, nõwwap, et tema selle kurja töö eest trahwitus saap.

Noor Liis Lutzar oma eestsaisjaga Jakob Puik wastutas, et tema ei ole mitte warastanu neid rõiwit.

Wana Liis Lutzar henda eestsaisjaga Peter Lutzar annap üles, et temal ära aidast warastetu:

16 küünart willast roiwast wäärt                    -  11 rbl 40 k

36 küünart hamme rõiwast    -                           7  -   20

36 küünart paklast rõiwast    -                           3  -   60

  6 hammet         -                                                 5  -

 2 linast undreku    -                                             2  -

 4 rätti     -                                                             1  -   20

 4 toopi jahu         -                                                 -     40

 9 toopi suurmit    -                                               -     90

 1 sängu lina      -                                                   1   -

 Selget raha       -                                                  5   -

                                                              --------------------------

                                                           Koko         37 rbl 70

Kohtumees Jaan Tobrelutz ülesotsmise läbi om kätte saanu, nimetetust warasteu asjost: willane särgi rõiwas, nink üts hamme Jaan Käis poolt - rõiwas kambrest nink rätti kirtust kätte saanu. 

Jaan Käis and üles, et naise kirstu wõtti om kambren nagla otsan olnu, nink Liis Lutzar  säält wõtme wõtnu, nink nee warastetu asja sinna ilma tema teedmata sisse pandnu.

Liis Lutzar om Jaan Käis pool elanu olnu, kohe ta nimetetu wargust koko kandnu. 

Jaan Käis pallep, et Liis Lutzar kohtu läbi trahwitus saas selle et tema muide asjo warguse wiisil tema elotuste kandnu.

Et Noor Liis Lutzar joba mitto ja mitto kõrda warguse perast trahwitu - mes ka arwatu et tema wõõrit asjo warguse wiisil Jaan Käis elotuste kandnu, selle perast saap Liis Lutzar wangi wiisil Keisriliku Wõrro Maakohtu katte saadetus; selle asja üle kullemise perast. 

                                      Kohtuwanemb: J. Weiken  XXX

                                        Kohtumees: Joosep Hurt  XXX

                                                   do      Jaan Tobrelutz  XXX

                                                    Kirj. P. Black