Wana Koiola kogokonna kohtun, Wissel, sel 7tal julil 1881.

                                                                                                                     #

Üttesse pollu pidaja Kusta Sikk nink Peter Tiisler kaibawa, et Mihkel Lutzar om neide linnu henda poole wasta wõtnu, mes Peter Haidak (Jaani p. Miastest) om töö mant ära warastanu, seda om neile Jaan Käis neile üles andnu. - nink aida otsapäälitse luuk om wallale wõetu - kost linnu om tahetu ära wiija 28  leisikat. -

Jaan Käis annap seletust, et Peter Haidak om Mihkel Lutzarile kõnelnu, et lina omma Mihkel Härms rentniku aida pääl, nee olesi waja ära müwwa, sellepääle om Mihkel Lutzar temale nõwwo andnu, et sina wõit oma hobesega nee lina wiija Himmaste poole mõtsa, säält wõit ära talita, weitsi wärki müwwa. -

Mihkel Lutzar annap wastust et Jaan Käis om esi warras - nink warguse perast tema wana ema rõiwaste perast - nink om wihaline.

jääp poole    Peter Haidak ette tulla.