Wana Koiola kogokonna kohtun, Wissel, sel 7tal julil 1881. -

                                                                                                           #

Liisa Lauk oma eestsaisjaga esa Jaan Lauk kaibap,et Mihkel Johanson om sel 6tal julil s.a temale Wana Koiola mõtsa kel 12 paiwa perra tulnu, om naiste rõiwin olnu, sääl teel sala rööwlilikult tema pääle tunginu, om uts 2 1/2 arsinaline 1 1/2 tolli jämme kõwwa pedaja saiba tük kaen olnu - nink sellega temale edimalt säla pääle üts säärne hoop andnu, et maha kukkunu, nink sis päha pesnu, kost kats suurt mulku päha mitmist rängest hoobist jäänu - nii et weel täämba rõiwa weritse, nink rättil kats mulku sisen; nink ka Liiso Lauk pää weel werine et wärsket werd hawast wälja tulep. Sälg nink kae sinitses pestu.

Kohtumees Mihkel Plakso, ke mõrtsuka platsilt om see saiba tük üles löudnu, om tõise saiba tükiga, mes Mihkel Johanson hoowi paal löudnu kogoni koko sundi kelle otsast see mõrtsuka riist raotu olnu. 

Niisama sis näutawa ka maha tahotu lastu Mihkel Johanson poolt loutu selle mõrtsuka saibaga kokko. -Mihkel Johansonil om palle nõõga koko määritu olnu, kost ka

nägo kassi külest selle saiba külge jäänu. -

Mihkel Johanson salgap, et tema ei ole Liiso Lauk mitte rööwli kombel pesnu; temale pääle tunginu. -

Mihkel Plakso 8 aastane tutar Leenu om nännu, kui Mihkel Johanson Liis Lauk pesnu. -

Mõrtsuk Mihkel Johanson saap wangi wiisi Keisriliku Wõrro Maakohtu kätte saadetus. -

                                                   Kohtuwanemb: J. Weiken  XXX

                                                     Kohtumees: Joosep Hurt  XXX

                                                                 do     Jaan Tobrelutz  XXX

                                                                               Kirj. P. Black