Protokoli N 29 manno

Liso Land and tunnistust, et perremees Karl Wislapu ja sullane Peter Kütt mõllemba wastastiko tõine tõisega tüllin olnu ollewat, ja perremeest teotanu nink kässo perra mitte toot tennu.

Greda Land and tunnistust, et temma neide asjast ja tüllist minkisugust ei teedwat.

Selle päle es ütle kohtun käuja ennamb middagi ütlemist ollewat, sis

Mõisteti

et Peter Kütt peap lepingo perra omma aasta otsa teenima ja ne ärra widetu 15 päiwa päle Jürri päiwa perra ärra tenima, nink perremeest trotsmise eest ja wasta pandmise perrast 10 witsa löki sama.

Se kohtu otsus saije kohtun käujile kulutedus nink tall. rahw. säduse ramt. 1860 aast. §§ 773, 774 perra ärra selletedus nink § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

       "             Jakob Eiche XXX

Kirjotj.: J.Kirrop