Wana Koiola kogokonna kohtun, Wissel, sel 20tal julil 1881

                                                                                                                               #

Kohtumees Mihkel Plakso kaibap, et tema om lannu Andres Jaaska poole ameti talitusen wargust takan otsma, kui käsknu aida ust wallale tetta, sis om Andres Jaaska teda kaalast katte käega kinni wõtnu - nink jala usse wahele pitsitanu  - nõwwap säärne mõrtsuk Keisriliku Wõrro Maakohtu katte anda - selle et ka saibaga wasta rindo löönu pistu käen pitten, nink perast seda raudlapjo kätte wõtnu nink ahwardanu "tule nüüd" - nink pääle selle weel häbemata moodi sõimanu

Andres Jaaska ütles et tema ei ole kaibajat löönu, ei ka sõimanu. -

Liis Lauk annap tunistust, et Andres Jaaska om Mihkel Plaksot kaalast nink olast pitsitanu, nink jala usse wahele löönu - nink saibaga rindo wasta touganu, nink sõimanu: 

"lits kas sina moni kohtumees olet."

See asi saap Kesriliku Wõrro Maakohtu katte ülekullemises saadetus.