Wana Koiola kogokonna kohtun, Wissel, sel 17 augustil 1881

                                                                                               #

Johan Kolt nink Peter Kolt kaibawa, et Jakob Sõrg om neid suure tee pääl pesnu - Johanil om kaal ära kistu, nink hamme ära lahknu, nink Peter Kolt om enne  päält rattilt maha tõmmanu.

Kaibaja pandwa tunistaja Mooste mehe Mihkel Lokk nink Wana Koiolast Jaan Kuusik. -

Johan Kolt nõwwap 50 rbl nink Peter Kolt nõwwap 50 rbl walo raha. -

Jakob Sõrg and wastust, et tema neid mehi pesnu ei ole - ent warguse takan otsmise man om käsknu enne Peter Kolt´il rattilt maha tulla. -

Mihkel Lokk annap tunistust, et Johan Kolt nink Peter Kolt om(m)a Jacob Sõrg´ka riido tennu, ent tema om riijole wasta pandnu - löömist ei ole nännu.

Jaan Kuusik annap tunistust: Kui tema Peter Kolt´le om mano saanu, sis om see iknu, nink Jaan Kolt om üttelnu - tõmba selle lurjusele ka weel. Johan Kolt om teda api kutsnu - sis om üttelnu mina kakeluse sisse ei lää. Pääle selle om Jakob Sõrg Johan Kolt´le külge joosnu nink kaalast kinni wõtnu, nink käutse asemelt om werd wälja tulnu. -

Jakob Sõrgk nõwwap oma sõimamise eest 100 rubl - nimelt om sõnat pada konn, koidra sant - täi wang nink mädanu rõisu.

Kohtumees Joosep Hurt annap seletust, et Johan Kolt kaal om ära kistu olnu, kui ta teda üle kaenu.

Peter Tobre annap tunistust, et Jakob Sõrg om Peter Kolt maha tõmmanu, selle et om Jakob Sõrg soimanu - loomist ei ole nännu.

Mõistetu: Et awalik, et Johan Kolt kaal olli ära kistu nink tunistaja wälja ütlemise perra awalik - et Jakob Sõrga kakkelnu. -

Otsus: Jakob Sõrgk peap §  1098 perra 10 rubl Johan Koltle walu raha masma, ent Peter Kolt ei sa midagi. -

Kohtu kaujile otsus ette loetu § 772 - 774 kuulutet.

                                                                     Kohtuwanemb: J Weiken XXX

                                                                     Kohtumees: Joosep Hurt  XXX

                                                                               do         Mihkel Plakso  XXX

                                                                               Kirj. P. Black

Peter Kolt kuulut, et tema selle kohtu otsusega rahu ei ole, pallel suurembat kohut kawwa mes ka lubatus sai. -

Ääremärkus: Die Abscrift am 17ten August c. dem Kirchspielsgerichte eingesandt.