Ette tulli perremees Jaan Pusep nink kaiwas Karl Waldson, Karl Kübbar, Ado Jantra ja Andre Sussi päle, et nemma omma karjaga temma nido ja wilja nurme päle ärra söötnu ollewat, kelle päle üts lehm pandistedus sanu, nink pälegi Ado Woitra poig temma poiga weel pesnu, nink nõwwap 4 rubl. kahjo tassomist näile wälja mõista laske.

Karl Waldson and selle päle wastust, et temma karri mitte temma nidun ei ka wiljan olnu ei ollewat, ent Ado Watra karri ollewat kül temma nidun olnu.

Karl Kübbar salgas kogonist ärra, et temma karri mitte nudun ei ka wiljan olnu ei ollewat.

Ado Woitra ütel kül nidu pääl karjan ollewat, ent wiljan mitte.

Nisamma salgas ka Andre Sussi kik ärra et temma karri mitte Jaan Pusep nidon ei ka wiljan olnu ei ollewat.

Selle päle es ütle kohtun käuja ennamb middagi ütlemist ollewat, sis

Mõisteti

et näide ütten om olnu, ja omma ütlemise nido päle santanu, sis peawa nemma egga üts 30 Cop. trahwi Jaan Pusepale 14 päiwa sissen a dato ärra masma.

Se kohtu otsus saije kohtun käujile kulutedus nink tall. rahw. säd. ramt. 1860 aast. §§ 773, 774 perra ärra selletedus ja § 881 perra opus leht wälja antus.

Päkohtumees Jaan Liiw XXX

kohtumees Jakob Pirisild XXX

abi     "         Jakob Eiche XXX

Kirjotj.: J.Kirrop