Wana Koiola kogokonna kohtun, Wissel, sel 31sel augustil 1881.

                                                                                                        #

Saije ette wõetus, mes sel 24 augustil s.a. N 212 al poolele jai.

Põlwast Johan Sillaots om ära koolnu. 

Johan Säälitz Wahtse Koiola wallast annap tunistust, kui Mihkel Hiir Põlwast om kadonu Johan Sillots käest küsinu, kas sina olet Joosep Puttle rüki müünu sis om Sillaots üttelnu, hendal oles waja osta, ent jõud ei kanna, müünu ei ole terragi. Sedasamma om ka Mihkel Hiir tunistanu, kui Johan Säälitz wälja üttelnu om. -

An Pütt annap tunistust, et Joosep Pütt om katte wakaline kott rüki ööse henda poole toonu, mes tulemata olnu, peran seda tõisil päiwil om pustas  tuuletanu, nink Jaan Sulalatte pool enne seda mitto kõrd käunu, arwatu, et sääl warastetu Jaan Pikk röa pestu omma. 

Joosep Pütt es ole täämba kogokonna kohtu ette tulnu, muido kui kohtu teendre sai perra saadetus, nink salas seda ära et käsku ei ole saanu, kuna walla walitsu läbi joba

8 päiwa kask sai antus.

Et see asi üts awalik põllu wargus - nink tunistus et Johan Sillaots käest rüki kaibataw ostnu ei ole - saap selleperast see asi Keisriliku Wõrro Maakohtu kätte saadetus. -

                                          Kohtuwanemb: J. Weiken  XXX

                                           Kohtumees: Joosep Hurt  XXX

                                                      do      Jaan Tobrelutz  XXX

                                                         Kirj. P. Black