Wana Koiola kogokonna kohtun, Wissel, sel 15tal septembril 1881.

                                                                                                                #

Saije ette wõetus, mes sel 31sel augustil s.a. N 213 al poolele jäi.

Liis Kriiwa om tunistust andnu, et tema ei tiija, Mari Kade nink An Lutzar kõnelusest midagi üttelda. 

Mari Kuus annap tunistust, et mõtsast kodo tullen, om Peter Suig temale üttelnu, siin olli üts pauk, ütte kottusse pääl tee pääl näutades. 

Kogokonna kohtu wanemb Jaan Weiken om Mari Kade üle kaenu, nink löudnu, et pää om otsa päält werine olnu. 

Wõrro Kreistohtre herra om tunistust andnu, et Mari Kadel üts 3/4 tolli pikune haab otsa pääl löudnu, mes üttest rüselu wiisist saanu - paawalu nink muido nõrkus mitmest löögist tulnu. 

Et see tapeluse läbi, weri nink haawa omma ette tulnu, saap see asi Keisriliku Wõrro Kohtu üle kullemise ala antus.