Wana Koiola kogokonna kohtun, Wissel, sel 28tal septembril 1881.

                                                                                                            #

Mari Sõrgk kaibap oma eestsaisjaga  Peter Kadde, et tema om Joosep Kade ruka pääle päiwa eest 1 1/2 waka kartohwlit maha tennu, ent Joosep Kade om kartohwli ära wõtnu - nõwwap 10 rubl kahjo tasomist. -

Joosep Kade wastutas, et kaibaja ei ole päiwi ära tennu - 3 päiwa om karjan tettu, nink selle eest 1/2 waka kartohwli maha pant.

Mari Sõrg ütles 11 paiwa tennu ollew, nink panep selle pääle tunistajas Peter Juud, tunistaja Peter Juud ütlep et Mari Sõrgk om kõiges 3 päiwa Joosep Kadele tennu. -

Mõistetu: Et kaibuse pääle tunistust ei ole.

Otsus: Kaibus tuhjas tettu, ent Joosep Kade peap ütte kõrra tagasi jäämise eest 30 kopka trahwi masma.

Otsus ette loetu § 772 - 774 kuulutetu.

Mari Sõrgk kuulut, et tema selle kohtu otsusega rahu ei ole pallel suurembat kohut käwwa, mes ka lubatus sai. -