Wana Koiola kogokonna kohtun, Wissel, sel 11. nowembril 1881.

                                                                                             #

Samuel Härms kaibap, et 8 aastat tagasi om Karl Tobrelutz esa Peter Tobrelutz tema käest 100 rubl poig Karl Tobrelutz kroonu teenistusest prii osta lainanu nink Karl Tobrelutz esi om 8 rubl 1878 aastal lainanu rendi massa - nõwwap selleperast Karl Tobrelutz käest 108 rubl wõlga kätte, selle et Karl Tobrelutz esa wara om perinu - nink ka tema henda pääle see wõlg om laiantu.

Karl Tobrelutz annap wastust, et tema ei tiija sest wolast midagi.

Samuel Härms nõwwap 51 rubl prozenti selle wõla mano 108 rubl ütten, nii et 159 rubl üleultse nõudmine om. -

Karl Tobrelutz ütlep 1872 aastast Samuel Härms kaen 100 rubl 6 prozenti al olla - nõwwap seda nii sama katte.

Samuel Härms ei ütle Karl Tobrelutz käest üts kop. lainanu olla. 

Karl Tobrelutz ütles 8 rubl mehitsega tasa tennu olla - nink 4 suwwe sitta wedanu nink 1 woor kartohwlit Weriorale wedanu.

Samuel Harms ütles kadonu Peter Tobrelutzile mehitse eest 6 rubl ära masnu nink pool toopi wiina andnu.

Samuel Härms panep tunistajas Wana Peep Tobrelutz nink wana Karl Tobrelutz.

Peep Tobrelutz nink Karl Tobrelutz andwa üttewiisi tunistust, et Samuel Härms 1873 aastal 100 rubl kadonu Peter Tobrelutz´le poig Karl Tobrelutz wälja osta lainanu. -

Noor Karl panep tunistajas Noor Mihkel Tobrelutz, ke tunistust wõip anda, et S. Härms 100 rubl saanu kadonu Peter Tobrelutz käest 1872 aastal. 

jääp poolele. Mihkel Tobrelutz ette tulla - nink Pranzo Peep Lutzar ette tulla.