Ette tulli Laswa mõisa walitsus nink tõst Ann Eiche ja Katri Kaiwo päle kaibust, et ne ollewat mõisa nido päält walmis nidetuid haino nelli rugga wärt 20 rubl. ärra warrastanu ollewat, kellle ülle Jakob Pirisild ja selle naine Liso tunnistada woiwat, pälegi om ka walla wöörmundre Peter Eiche haino ülle kaenu kellest ennegi 2 rugga kätte sanu olewat, ja pallel neidega säduse perra tallitada.

Ann Eiche saije selle kaibuse päle ette kutsutus and wastust, et temma neid haino mitte warrastano ei ollewat enge Pindi mõisa nido puhma sees sirbiga põimnu ollewat, kelle ülle Pindi wallast Uibo tunnistada woiwat, ent Laswa mõisa kandi mehe naine Liso Käus ollewat kül temmale weidikese andno mõisa hainast.

Jakob Pirisild es ütle sellest haina wargusest mitte midagi teedwat ei ka nägewat.

Liso Pirisild ette tulnu end tunnistust, et temma sellest haina wargusest ka middagi ei teedwat ei ka nännu ei ollewat.

Et Katri Kaiw ja Liso Käus täämba siin ers olle, sis es woi selle asja ülle weel middagi mõista nink saiwa sel 10 Augustil ette kutsutus.