Wana Koiola kogokonna kohtun, Wissel, sel 2 dezemb ril 1881.

                                                                                                                                    #

Kohtumees Joosep Hurt kaibap, et eiale Wanast Koiolast pääraha wõlga riistmist tullen, oma tema Wisse kõrtsi lännu nõudnu, kas Johan Lõiwokene om oma wõlg ära masnu - nink om(m)a temal ka wangi rawwa ütten olnu, sis om Johan Kurwitz temale mano tulnu küsiden, kae kas ne wangi rawwa sünnise minno kässi külge, sis om tema kohtumees Joosep Hurt kaalast kinni wõtnu, nink kolm kõrd rusikoga rindo löönu - pallep teda 30 witsa köögiga trahwi - selle et Johan Kurwitz mitte teda ütsinda, kõrtsin ei ole löönu, enge ka muid paljo kiusanu nink tülli tennu nink pesnu.

Nink talwe 1881 aastal om Johan Kurwitz oma tüli perast türmi pantu, nink türmi kambre usse purus lahknu, kost tunistus et tema awalik tülitseja om. -

Pääkohtumees Jaan Weikene annap tunistust, et see kaibus om oige et Johan Kurwitz kolm kõrd kohtumees Joosep Hurt´le rindo löönu. Niisama tunistap ka wallawanemb Jaan Maasik seda löömist oiges. -

Johan Kurwitz wastutas, et tema ei ole kaibajat löönu. -

Mõistetu: Et katte ameti mehe tunistuse perra awalik, et Johan Kurwitz kohtumees Joosep Hurt kolm kõrd löönu. -

Otsus: Johan Kurwitz saap 5 rbl trahwi waeste laadike hääs 14 paiwa sisen. 

Otsus ette loetu § 772 - 774 kuulutetu. -