Wana Koiola kogokonna kohtun, Wissel, sel 10tal dezembril 1881.

Man olliwa kohtuwanemb: J. Weiken

                    kohtumees: Joosep Hurt

                           do           Jaan Tobrelutz

Wöörmöndre Peter Haidak kaibap, et sel 3tal dezembr. s.a. om temal kohtumaja warjo alt hobese pääst suitse ära warastetu, mes kolm rubl wäärt olnu, nink om kolm päiwa kolme inemisega takkan otsnu, mes 4 rubl temale kahjo tennu, nink wiimate om teeda saanu, et Johan Kaha nee suitse om warastanu, kui kohtumees Joosep Hurt´ki om lännu wargust takan otsma, sis om ka Johan Kaha poolt nee suitse üles löutu, mes ta ära tunistanu, et tema see wargus tennu, nink 10 rubl weel lepingos paknu - pallep warast 30 witsa loogiga trahwi - nink ka kahjo 12 rubl katte saada.

Johan Kaha wastutas, et tema esi neid suitsi ei ole warastanu, enge Johan Kade käest ostnu, ent ei ütle nägijat man olnu.

Mõistetu: Et selle tõise käest üle määrastki tunistust ei ole warga oma ütlemise perra, sest om awalik et kaebataw esi see wargu toimetanu.

Otsus: Johan Kaha saap 30 witsa lööki, nink massap 12 rubl kahjo tasomist Peter Haidakle 14 paiwa sisen ära 3 rubl trahwi 

Otsus ette loetu § 772 - 774 kuulutet.

                                                       Kohtuwanemb: J. Weiken  XXX

                                                       Kohtumees: Joosep Hurt  XXX

                                                                do         Jaan Tobrelutz  XXX

                                                                   Kirj. P. Black