Johann Radi kaibas: "Minna ostse mõisa käest ütte tükki hainamaad nink massi selle eest 1 Rbl., ent Hindrik Sowa ja Peter Anzowi ellaja olliwa sedda hainamaa tükki wäega ärra sõkkunu, ni et Hindrik Sowa minnole selle haina maa eest 60 punda hainu anda lubbas, nink se hainamaa selles aastas kiik Sowale jäi."

Johann Radi tunnistas, et temma om selle hainamaa eest mõisale renti 1 Rubla masnu. 

Hindrik Sowa kostis selle kaibuse päle nidate: "Minna olle selle hainamaa ennegi 3 Rbl. Johann Radile lubbanu nink Peter Anzowil olli selle hainamaa prukimisse eest 3 Rbl. Johann Radile massa, ehk jälle olles meije hainu masnu. 

Peter Anzow kostis: "Selle haina maa ülle kõnneli Hindrik Sowa nink Johann Radi nida, et Hindrik Sowa lubbas hainamaa eest Johann Radile hainu anda. Hindrik Sowa pakse 50 punda, ent Johann Radi nõudse 60 punda, ent et selle ülle õigus olles sanu, ei tija minna. Minno ellajad ei olle Johann Radi hainamaa pääl käunu nink ei olle minna ka üttegi tassomist lubbanu."

Otsus: 

Hindrik Sohwa massap Johann Radile 50 Kop. ja Peter Anzow massap 50 K. J. Radile selle hainama söötmisse eest; ja selle trahwi 1 Rbl. om Johann Radi siin kohtu een wasta wõtnu.

Pääkohtumees: Märt Lüüs XXX

Kohtumees: Peter Treumuth XXX

  "  Juk Hansi XXX

  "  Karl Wernik XXX

  "  Rein Mendik XXX