Buldre tallo ommanik Peter Lammas tulli kohto man ette ja pallus et mahhakirjutut saas, et temma tänna päwas kohtomeeste Märt Jlwese ja Hendrik Lammase näggemes Buldre tallo päle nimmitut wõlladest ärramaksno ollewat, Peter Purmalil kolmsadda Rubla ja Thomas Purmalil sadda Rubla - et sis Peter Purmal keek enda näudmest sahno ja sellega egge otsani selletut on - Thomas Purmalil agga weel kui need nimmetut sadda Rubla mahhaarwatas - kakssadda Rubla näuda jähwat.

Et nüd kül Peter ja Thomas Purmall enda aiguse läbbi ei mitte wasta tulno olliwat, nimmetut kohtomihhet Mart Jlwes ja Hendrik Lammas agga tunnitsiwat, et se wõlla maksmen ja selletamen ni kui üllesantut olnud - sest sai

Mõistetut

mahhakirjuteda, et Peter Purmalil ei mitte mingest näudmest - Thomas Purmalil tännatsest päwast arwatut, weel kaks sadda Rubla Buldre tallo ommaniko Peter Lammase käst perrida on - ja kelle pale Peter Lammasel enda pallumese päle üks mahhakirri selle protkollist anda lubbati.

Kogokonnakohto nimmel

Hendrik Lammas

Märt Ilwes

Hiob Moor