Wana Koiola kogokonna kohtun Wissel, sel 15tal webruaril 1882.

                                                                                                    #

Paakohtumees Jaan Weiken kaibap, et sel 6tal nowembril n.r. om tema protokolli raamat ütten wõtnu, mes Keisriliku V Kihelkonna kohtu pidi ette näutama, om Wisse kortsi pingi pääle seeni pandnu, kui esi hobest lännu kaema, see om kel 7 õdago olnu. Nimetetu protokolli raamat om too ajane wöörmondre Jaan Pikk säält ära wõtnu - nink Wisse kõrtsi panti pandnu 2 rubl joogi ala, selle üttelusega, et Kannusaare mehe omma raamat loudnu - nink enne ei ole Wana Koiola kogokonna kohtu protokolli raamat katte saanu, kui 2 rubl kõrtsi pidi Peter Merk katte joodu wiina nink õlle eest ära masma.

Jaan Weiken pallep selleperast et see raamatu putja nink kõrtsi panti pandja kohtuliku trahwiga saas oma trotsmise eest trahwitus, nink ka kes sellest asjast osaliku niisama trahwi laske. Kaibaja panep selle asja pääle tunistajas endine wöörmöndre Jakob Matz. -

Jaan Pikk annap wastust, et kui 2 rubl eest see raamat kallis om sis tema wõttap tagasi; nink kui om kee 11 õdangu lannu kodo minema, sis om üts mees wastu tulnu, nink see raamat tema katte andnu, nink  suure tee päält löudnu ollew.

Jakob Matz annap tunistust, et tema om wallawanemba Jaan Maasika kõrtsin istnu, sis tähele pandnu, et pääkohtumees ol kõrtsis ära lännu, nink raamat pengi pääle unetanu, säält om Jaan Pikk raamat wõtnu - peran seda om jooma naat nink temale ka antu, nink ütteld nüüd juwwas omma kotli pääle.

Jaan Pikk and üles nink ütlep, et tema oli teednu et pääkohtumees raamatuga ümbre käup, nink mõttelnu et kirjotaja om raamat ära kaotanu. -

Kirjotaja Peter Plakk annap selle asja pääle wastust, et tema perast ameti talitust protokolli pääkohtumehe Jaan Weiken kätte kohtu majan andnu, mes Keisriliku Kihelkonna Kohtu ette kästu olli - ent nüüd Jaan Pikk ütte trotliku süüda kirjotaja pääle kannap et see weel raamat oles tee pääle kaotanu, nink kirjotaja ei ole ka sel kõrral jalaga kortsi poolegi saanu. Seeperast nõwwap kirjotaja Peter Plakk Jaan Pikk, kee kohtuwanemba Jaan Weiken takkast raamat ära warastanu, nink kõrtsi 2 rubl panti joonu

Üllekulleja kohtu katte anda nink türmi trahwiga  trahwi laske, kuna tema kui kui üht walla wöörmöndre protokolli raamat pidi pääkohtmehele katte saatma, mitte kortsi panti jooma.

Niisama nõwwap ka kirjotaja kaiki ke selle tööga osalise nink sest panti jootu raamatu hinnast lakkiwa, sääduse kombel trahwi.

Kõrtsimees, Peter Merk annap tunistust, et Jaan Pikk om pengi alt protokolli raaamt wõtnu, nink tema katte andnu, üttelusega et sellepääle wõip natuke juwwa, nink omma selle omma raamatu pääle 2 rbl ära joonu, mes paakohtumees Jaan Weiken tema katte sisse masnu.

Protokolli raamat om ööse kel 11 kõrtsis ära otsnu. -

Mõistetu: Et awalik, et raamat mitte tee pääle ei ole kadonu, enge kõrtsi. Ometi om Jaan Pikk selle läbi süüdlane, et tema kõrtsi raamat panti joonu.

Uts kohtumoistja puudup jääp poolele.