Selsamal paiwal 17 juli 1885

Kaibaja Johan Pik kes kaiwas oma haina ma poimmisse perrast ei olle täämba selle ette tulnu et ta haige om

Tunnistaja Jacob Wreiman antse tunnistust et Mina Auman Johan Pik nitu om poimnu kellega ma kõnneli ni et na kotti täüs olliwa nink koddo weijewa kelle käest ma zirbi nink ratti mes loome perrast ossa olli pantud ärä wõtti mes nuud siin oma

Oma mehe Johan Aumani man ollekin Mina Auman utles et ta ei olle nitun olnu ei ka märastke rätti ei ka zirbi ei olle pantis antnu

Mõtsa waht Jakob Wreimann woib zirbe ja ratti kottost sija tuwwa. -

Karl Nurm Kiomast kaibas kelle nitu puret ka Pikka nituga kokko jooskwa ärä om poimetud nõuwa oma nitu 25 sülle ärä poimisse eest 20 rbl kos ka Ewa nink Mina Auman poimja oma olnu. Seda tunnistap ka Jacob Wreiman oiges et Ewa sääl sissen om poimnu. -

Josep Kurwitz kaibap ka et ka tema nit sääl saman ärä om poimetud nõuwab oma kahjo 6 rubla tassomist

Tunnistaia Jacob Wreiman ütles ka et nesama poimja ka Kurwitze nitu oma poimnu. -

Jakob Wreiman nouwab oma nitu kahjo tassomist 3 rubla. -

Kohto mees Johan Kurwitz ütles et Pikka nitust 3 rubla nink Josep Kurwitz 1 rub nink Wreimani nitust 2 rbl eest kahjo olli tettud.

Moistetud, Et Mina Auman kül salgap ent Jakob Wreiman wannutetu mõtsa waht seda tottes tunnistap

Otsus  massap Mina Auman nink Ewa Auman Josep Kurwitzale 1 nink Jakob Wreianile 2 nink Pikale 3 rubla kahjo tassomist kohto mehe Kurwitz takserimise perra

Ent Karl Nurm peap oma kahjo ule saadusse pohjusel Kioma kogokona kohtule kaibama

Otsus § 773 ia 774 pera Mina Aumanil kuulutetu ent Johan Pik nink Ewa Auman een tullewa kohto paiwas otsus kuulma tallidata. -

Auman ei olle selle otsusega rahu.

Ääremärkus: Oppus leht erra kirri sel 25 juli