Selsamal paiwal 17 juli 1885.

Josep Kriwa assemel poig Peter tulnu kellele warantust essiki ei olle nink kaiwataw nõiwap seda ette kellele se assi puttup.

Tuunistaja Jaan Haidak utles kui ma uts kõrd talwel enne walget Werriora moisa soitma ja ma oma hobbest ette panni soitse Sing mööta ja kui ma ka walmis saije soitma naksi sis saise Singa hobene Kutsari warrete kottal kes warsti enne minno soitma latse ja kui ma selle kottusse päle saije kos Sing saise tulli Jaan  Kutsar utte kogoga mes tal ussan olli kas naha wai roiwa ent ni pea kui ta minno ligi tale tulli nink minno helli kuultse lätse ta jallege selle kogoga taggasi ent tükki aja perrast soitse Sing ka jalle Wana Küla poolt taggasi, mes ma ka Johan Kaddele kes minnoga worrida piddi soitma kõnneli kes sis Josep Kriwale seda teedmist antse,  Ja meije ka Werriorele soiten Kiisalt läbbi kos Johan Kadde kaeman kawwe et Singa hobbene Kiisal Jaan Karige pool olnu.

Otsus  31 augustil ette kässudata Josep Kriwa, Peter Sing