Ne siin allan pool ülles kirjotedu 2 punkti, wälja kirjutedu sellest Wanna Anzmõisa wallitsuse nink Johann Zimmeri wahhel Annemõisa karjamõisa rentmisse ülle tettu kontradist, omma mõisawallitsuse tahtmisse perra sel täämbatsel päiwal Johann Zimmerile tähhelepandmises siin koggokonna kohtu een ette loetu:

X

Rentnikul om kõwwaste keeldut, karjaga sääl raentiku pääl käwwä, mes mõtsakaswatamisse alla om pantu; temma wõib ennegi sääl karjaga käwwa, kon temmal awwalik lubba mõisa käest om sadu. Kui rentnik selle wasta essip, massap temma eggakõrd igga ellaja päält 1 Rbl. trahwi mõisale. 

XI

Kui rentnik se kontraht ei täuda nink nimmelt sel eelnimmitedu terminil se rent täus ei massa, sis om se kontraht ilma üllesütlemata eenollewal Jürripäiwal lõpnu ja jääp mõisale se õigus, se rendikottus Johann Zimmeri käest eenollewal Jürripäiwal ärra wõtta, ilma et rentnik üttegi tassomist wõib nõuda.

Pääkohtumees: Märt Lüüs XXX

Kohtumees Peter Treumuth XXX

  "  Juk Hansi XXX

  "  Rein Mendik XXX