Andrus Uddras kaibas: "Kui minno karjusse ellajid lõuna aigu koddo aiwa, sis läts üts minno ziggadest soldat Josep Püwwe herne põllu kolga päle, ent Josep Püwwi tulli silmapilk mannu nink wiskas selle zeale ütte kiwwiga pähha, ni et se zigga tük aigu pikkali maan olli; siski tulli se zigga perran omma jallaga koddo."

Josep Püwwi kostis selle kaibuse päle nidate: "Kui minna zigga hernen näggi, sis tahtse minna wälja ajama minna, ent zigga läts ajamata hernest wälja nink koddo pole. Minna zigga mitte lönu ei olle."

Karjus Isak Habsalon, 14 aastad wanna, tunnistas: "Kui meije ellajid lõuna aigu koddo aije, sis kargas üts meije zeadest Josep Püwwe herne põllo sisse, ent Josep Püwwi tulli nink wiskas selle zeale ütte kiwwiga ni kõwwaste pähha, et temma tük aigu maan olli."

Karjus Meos Kulpin, 14 aastad wanna, tunnistas nidasammoti kui Isak Habsalon om tunnistanu.

Andrus Uddras kaibas ka weel: "Kui minna päle selle zea tapmist Josep Püwwi maija lätsi, sis ütles Josep Püwwi: Minnol om püss laditu nink tahhan minna sinno ka ni samma tappa, kui sinno zigga. Kui minna ütli, et minna kohtule tahhan kaiwata, sis teotas temma ka koggokonna kohhut."

Josep Püwwi kostis, et se mitte õige ei olle, et temma Andrus Uddrast olles tappa lubbanu, ja et temma koggokonna kohhut olles teotanu nink tunnistas ka, et temma Andrus Uddrasele om üttelnu: Kui minnol püss olles, sis tappas ma so sellest söame wallust ärra, et sinno zea minno põllo seen käunu."

Pääkohtumees: Märt Lüüs XXX

Kohtumees: Peter Treumuth XXX

  "  Karl Wernik XXX