Linnert Lippart kaibas: "Minna lubbasi s. 12. Junil s.a., se olli üttel poolpäiwal, õddakult tüdruk Ewa Kronile omma hobbest Litzmõtza sõita, ja käskse minna, et minno pois Thomas Kübbar piddi temmaga ütten sõitma nink sedda hobbest taggasi tooma, ent Ewa Kroon sõitse kohtumaja mannu ja wõtse omma sõssara Ann Kroon päle nink sõidiwa minno majast möda Litzmõtza pole ja es wõtta poissi mitte ütten. Säält ollewat selle hobbesega Sawwi kõrtsi sõitetu nink sis pea päle sedda jälle Urwaste kerku mannu ja säält jälle taggasi. Pühhapäwa õddakult, kui Ewa Kroon koddo tulli, sis olli sel noorel hobbesel wat kehha pääl ärra kuiwanu ja limpas se hobbene perra jalga. Nüüd ka limpab se hobbene weel, temma om puusast mahha löödu. Tööd ei olle minna selle hobbesega selle aja sissen mitte tetta wõinu."
Ewa Kroon kostis selle kaibuse päle nidate: "Minna es kuule sedda mitte, et Linnert Lippart poissi ütten lubbas anda. Sedda minna ei tija, et selle Lipparti hobbesega Sawwi kõrtsin olles käutu. Kerkule minna es sõida, ja ei tija minna ka, kelle lubbaga Lipparti hobbene kerkule sõita ette olli pantu. Koddo tullen es sõita minna mitte wirgaste, ja ei tija minna ka, et sel hobbesel middagi wikka olles olnu. Jauga tallo poolt tullen kummastas kül se hobbene üts kõrd."
Tunnistaja Ann Kroon (Lutteri usku) andse nidate tunnistust: "Minna ei tija mitte, kelle lubbaga se hobbene, kes Lippartil olli, ette sai pantus, ent kella 10 ajal Pühhapäwal, sõitse minna, Leno Rätsep ja Karl Rätsep, Linnert Lipparti ja Jaan Rätseppa hobbene een, Urwaste kerku mannu nink ollime enne kerku wälja tulekid arwata 1/2 tundi kerku man. Õddaku koddo sõiten es sõida meije mitte wirgaste ja ei tija minna mitte, et hobbene sel kõrral wiggalane olles olnu."
Tunnistaja Thomas Kübbar (Lutteri usku) andse nidate tunnistust: "Minno perremees Linnert Lippart ütles minnole, et minna hobbese ette peas pandma nink Ewa Kroniga Litzmõtza sõitma ja sis hobbest Litzmõtzast taggasi tooma. Kui Ewa Kroon kohtu maja mant omma sõssara Anne Markuse tallo kotsile sõitnu olli, sis tulli Ewa Kroon wärte mannu nink sis ütli minna temmale, et minna perremehhe kässu päle ütten pean sõitma, ent Ewa Kroon es panne sellest middagi tähhele, enge sõitse ilma minnota eddesi.
Tõisel päiwal, kui hobbene koddo olli tulnu, sis limbas se hobbene ütte jalga."
Tunnistaja Karl Akmann (Lutteri usku) andse nidate tunnistust: "Muud minna ei tija tunnistada, kui et perremees Linnert Lippart ütles, et kelle sullase hobbene Litzmõtza sõidab, se peab ütten sõitma, hobbest taggasi tooma. Kui se hobbene tõisel päiwal õddakul koddo toodi, sis näggi minna, et temma perra jalga limpas."
Ado Kroon kostis nidate: "Minna pandse kül omma lubbaga se Lipparti hobbese wankri ette, Jaan Rätsepa hobbese wehmrele nink Lipparti hobbese pripaskile, nink sõitse Karl Rätsep, minno 2 sõssard ja Leeno Rätsep Urwaste kerku mannu, ent kui taggasi tullime, sis es löwwa minna mitte, et sel hobbesel midda wigga olles olnu."
Tunnistaja Karl Rätsep (Lutteri usku) andse nidate tunnistust: "Minna sõitse Pühhapäiwa sel 13. Junil Ann Kron ja Leno Rätsepaga Urwaste kerku mannu nink sõitse minna aigu mööda kunni kerku mannu, ent taggasi tullen tulli Katri Kron ka weel minno wankri pääle nink sõitsime jälle aigu möda kunni Litzmõtza, sedda minna mitte es löwwa, et hobbene haige ehk wiggane olles olnu."
Linnert Lippart nõuwab selle hobbese eest 55 Rubla ja wiidetu 20 hobbese päiwa.
Otsus.
Et nüüd se 4 aastane hobbene tüdruk Ewa Kroon kätte om ussutus sanu, nink Ewa Kroni welli, Ado Kroon, ilma üttegi lubbata se hobbese ütte sõidu, arwata ütte 26 wersta maa päle ette om pandnu nink se hobbene wiggalane koddo om toodu, ni et sellest arwata õiget töö hobbest ennamb saada ei wõi -- peawa Ewa Kroon omma welle Ado Kroniga selle hobbese eest 55 Rubla ja 20 hobbese päiwa eest 'a 50 Kop. teeb 10 Rubla, üttekokko 65 Rubla Linnert Lippartile masma, nink sawa nemma nüüd se wiggatse hobbese hendale. Pool rahha 2 näddala sissen nink tõine pool Märdipäiwal 1876 ärra mastu ollema.
Neile kohton käujatele omma ne L. T. S. §§ 772 ja 773 ette loetu. Ado Kron ja Ewa Kron ja Linnert Lippart ei tahha selle kohtumõistmisega rahhul olla, enge surembat kohhut käwwa; Ado Kronile ja Ewa Kronile om ka sel 2. Julil 1876 ja Linnert Lippartile s. 8. Julil 1876 Appellationtäht wälja antu.
Pääkohtumees: Märt Lüüs XXX
Kohtumees: Peter Treumuth XXX
" Karl Wernik XXX
Linnert Lippart kaibas: "Minna lubbasi s. 12. Junil s.a., se olli üttel poolpäiwal, õddakult tüdruk Ewa Kronile omma hobbest Litzmõtza sõita, ja käskse minna, et minno pois Thomas Kübbar piddi temmaga ütten sõitma nink sedda hobbest taggasi tooma, ent Ewa Kroon sõitse kohtumaja mannu ja wõtse omma sõssara Ann Kroon päle nink sõidiwa minno majast möda Litzmõtza pole ja es wõtta poissi mitte ütten. Säält ollewat selle hobbesega Sawwi kõrtsi sõitetu nink sis pea päle sedda jälle Urwaste kerku mannu ja säält jälle taggasi. Pühhapäwa õddakult, kui Ewa Kroon koddo tulli, sis olli sel noorel hobbesel wat kehha pääl ärra kuiwanu ja limpas se hobbene perra jalga. Nüüd ka limpab se hobbene weel, temma om puusast mahha löödu. Tööd ei olle minna selle hobbesega selle aja sissen mitte tetta wõinu."
Ewa Kroon kostis selle kaibuse päle nidate: "Minna es kuule sedda mitte, et Linnert Lippart poissi ütten lubbas anda. Sedda minna ei tija, et selle Lipparti hobbesega Sawwi kõrtsin olles käutu. Kerkule minna es sõida, ja ei tija minna ka, kelle lubbaga Lipparti hobbene kerkule sõita ette olli pantu. Koddo tullen es sõita minna mitte wirgaste, ja ei tija minna ka, et sel hobbesel middagi wikka olles olnu. Jauga tallo poolt tullen kummastas kül se hobbene üts kõrd."
Tunnistaja Ann Kroon (Lutteri usku) andse nidate tunnistust: "Minna ei tija mitte, kelle lubbaga se hobbene, kes Lippartil olli, ette sai pantus, ent kella 10 ajal Pühhapäwal, sõitse minna, Leno Rätsep ja Karl Rätsep, Linnert Lipparti ja Jaan Rätseppa hobbene een, Urwaste kerku mannu nink ollime enne kerku wälja tulekid arwata 1/2 tundi kerku man. Õddaku koddo sõiten es sõida meije mitte wirgaste ja ei tija minna mitte, et hobbene sel kõrral wiggalane olles olnu."
Tunnistaja Thomas Kübbar (Lutteri usku) andse nidate tunnistust: "Minno perremees Linnert Lippart ütles minnole, et minna hobbese ette peas pandma nink Ewa Kroniga Litzmõtza sõitma ja sis hobbest Litzmõtzast taggasi tooma. Kui Ewa Kroon kohtu maja mant omma sõssara Anne Markuse tallo kotsile sõitnu olli, sis tulli Ewa Kroon wärte mannu nink sis ütli minna temmale, et minna perremehhe kässu päle ütten pean sõitma, ent Ewa Kroon es panne sellest middagi tähhele, enge sõitse ilma minnota eddesi.
Tõisel päiwal, kui hobbene koddo olli tulnu, sis limbas se hobbene ütte jalga."
Tunnistaja Karl Akmann (Lutteri usku) andse nidate tunnistust: "Muud minna ei tija tunnistada, kui et perremees Linnert Lippart ütles, et kelle sullase hobbene Litzmõtza sõidab, se peab ütten sõitma, hobbest taggasi tooma. Kui se hobbene tõisel päiwal õddakul koddo toodi, sis näggi minna, et temma perra jalga limpas."
Ado Kroon kostis nidate: "Minna pandse kül omma lubbaga se Lipparti hobbese wankri ette, Jaan Rätsepa hobbese wehmrele nink Lipparti hobbese pripaskile, nink sõitse Karl Rätsep, minno 2 sõssard ja Leeno Rätsep Urwaste kerku mannu, ent kui taggasi tullime, sis es löwwa minna mitte, et sel hobbesel midda wigga olles olnu."
Tunnistaja Karl Rätsep (Lutteri usku) andse nidate tunnistust: "Minna sõitse Pühhapäiwa sel 13. Junil Ann Kron ja Leno Rätsepaga Urwaste kerku mannu nink sõitse minna aigu mööda kunni kerku mannu, ent taggasi tullen tulli Katri Kron ka weel minno wankri pääle nink sõitsime jälle aigu möda kunni Litzmõtza, sedda minna mitte es löwwa, et hobbene haige ehk wiggane olles olnu."
Linnert Lippart nõuwab selle hobbese eest 55 Rubla ja wiidetu 20 hobbese päiwa.
Otsus.
Et nüüd se 4 aastane hobbene tüdruk Ewa Kroon kätte om ussutus sanu, nink Ewa Kroni welli, Ado Kroon, ilma üttegi lubbata se hobbese ütte sõidu, arwata ütte 26 wersta maa päle ette om pandnu nink se hobbene wiggalane koddo om toodu, ni et sellest arwata õiget töö hobbest ennamb saada ei wõi -- peawa Ewa Kroon omma welle Ado Kroniga selle hobbese eest 55 Rubla ja 20 hobbese päiwa eest 'a 50 Kop. teeb 10 Rubla, üttekokko 65 Rubla Linnert Lippartile masma, nink sawa nemma nüüd se wiggatse hobbese hendale. Pool rahha 2 näddala sissen nink tõine pool Märdipäiwal 1876 ärra mastu ollema.
Neile kohton käujatele omma ne L. T. S. §§ 772 ja 773 ette loetu. Ado Kron ja Ewa Kron ja Linnert Lippart ei tahha selle kohtumõistmisega rahhul olla, enge surembat kohhut käwwa; Ado Kronile ja Ewa Kronile om ka sel 2. Julil 1876 ja Linnert Lippartile s. 8. Julil 1876 Appellationtäht wälja antu.
Pääkohtumees: Märt Lüüs XXX
Kohtumees: Peter Treumuth XXX
" Karl Wernik XXX
